وش بنتظر بعد الاجل ....

.

.

يا شرفة الاحلام مليت /هاتي
................... الهم وقّف بين رمشي وجفني
لو ما تحقق غايتي في حياتي
.................وش بنتظر بعد الاجل لا قطفني
اكيد لا قفّت وحان المماتي
....................مالي فوايد بالزمن لو نصفني
ما اقول مابه من يسوي سواتي
...................لو كان تيار الغرور اجترفني
صم الصخر نحته بقى معطياتي
..................واشتاق للوزن الثقيل وولفني
يشهد على حبري بقايا دواتي
...............وانفاس حرف ٍ من منامي خطفني
غريق مخطر كيف ابلقى نجاتي
...............سحر البيان بما احتواه / ارتشفني
من كثر/ماني /للمقادير / احاتي
..........اغرف / همومي /لا اسدلت / وتغرفني
احاول اجمع من شتاتي شتاتي
..................لين الزمن في جنح ليله وصفني
الصد/عن بعض المواقف سماتي
...........وامشي / على خط التجاهل / وشفني
يا اما اختبيت / من الهوى / وسط ذاني
............ويا/ ما سهرت الليل / لين اكتشفني
ودك تآكد /وين يبقى مباتي
...............ارفع عيونك / للسماء / وتعرفني




.