( الـــ ج ــفــول )

اقدم لكم هذه القصيده آمِلاً ان تشفع لي بعد الغياب ..






[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]




الجفول اللي رعت صدري غرام ومقدريه= وقّفت روحي على رجم المحبه واتركتها



من ربيع الوصل لديار الفراق الجرهديه=دمّت رياح الجفا حتى خطاها اللي خطتها



مابقى من وصلها الا طعونها الخضر النديه=وصورةٍ في محفظة فكري مامل مناضرتها



في رجاها ذايب ٍ قلبي وخالية ٍ يديه=ومسهر ٍ عيني على نار الغلا لـ مسامرتها



ماسرجت خيول حلمي ليل مع دار ٍ خليه=غير لامعانق ضياها لاشرقت ومعانقتها



شمسها .. تبعث فرح قلبي بطلّتها البهيه=لاتجلّت من سماء الازرار الافراح ابعثتها



ماتفرّق من شعرها مشرق ٍ يجهرك ضيه=لولا رمش عيونها .. الاسود .. ولولا سلهمتها



جادل ٍ .. لاهزها الشوق وعطت ..للوصل ..نيه=سلّمت مجدولها .. للريح والقمرا سرتها



المعنّق .. شبر والخطوه .. منه ..واقصر .. شويه=من كثر .. تدليلها حتى الخطا متثاقلتها



في رياض الحسن لامرّت وشفت الشمس حيه=استدارة عن مغيب الشمس .. عصر .. وخالفتها



ضامر ٍ .. كن الخصر ماله بظل الخصر فيه=من نحوله .. ماتفرّق بينه وبين رقبتها



في شفاياه .. الجمر والثلج .. موجوده سويه=ماثّرة في بعضها مع الوقت رغم مجاورتها



عودها .. يزها الحرير .. وعنقها .. يزها حليه=الحرير يحنها من النود .. والحلي افتنتها



مادريت .. ان الحسد فالقلب .. سطواته قويه=لين قلبي شفته .. يحسد العيون مشاهدتها



علمتني .. حال قيس وحب ليلى العامريه=وعيفتني .. بالحياه .. الا الدروب اللي خذتها



ماعشقت .. من الشعر غير البيوت العاطفيه=ولارغبة .. من الرواه الا ماوافق سالفتها



ان شعرت .. بحر شوقي .. هبّت الذكرى عليه=وان شعرت فـ برد هجري .. نار الاشواق اشعلتها



استحلّت عرش قلبي عن .. جميلات البريه=صار قلبي قصرها وضلوع صدري مملكتها



حبها في روضة ٍ عن .. نفحة الياس .. محميه=ان حضيت بوصلها ولاّ مضت بمقاطعتها



لا تعبت .. طيوفها عندي بساتين ٍ غنيه=وان .. المّ بها ..تعب .. روحي من الوجد اتعبتها



كل ماجاء ذكرها ولاّ سمعت لها سميه=شدّ .. قلبي من بروق الشوق مايلمع جهتها



من كثر مافي نواعسها جمال وجاذبيه=لمّت ضلوعي على ذيك العيون وبعثرتها



نامت بعين ٍ سعيده واتركت عيني شقيه=جعل تهنى عينها لو كان عيني مسهرتها



طال .. صوت الناي .. حتى غاب .. صوت السامريه=وانسجم .. قلبي على الحان الحزن ومنادمتها



حتى في عيد رمضان وحتى في عيد الضحيه=كيف .. بيعيّد حزين ٍ .. ماحضى بمعايدتها[/poem]









وســــلامــــتكم