راحه ولذه وتقصير !

من العايدين يالمرقابيين !

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياذنبي اللي مالقيت لك تكفير= اتوب لكن توبتي ماكفتني
باسبابك همومي تداحم طوابير =تظاهرت في غفلتي واسقطتني !
حكمت نفسي يوم انا توي صغير= وطاوعتها بعد الكبر وانكبتني !
ماتجتمع راحه ولذه وتقصير =دنيا الشقا من نفسها ما انصفتني ..
يالله ياوالي عليك التدابير =صبري غذاي وزود قلي كبتني !
كل الليال اللي مضت لي معاسير =توعدني افراح الزمان ونستني !
ياعيد سوق لنا الفرح والتباشير =ياعيد سودان الوجيه ابهتتني ..
ياعيد والله ماحسبت المخاسير =ولا اطيح لو ان الظروف اخذلتني !
ياعيد ماعندك للاحزان تحرير =اخر حزن لوعة هنوفٍ سبتني !
ماللجفا من بين الاحباب تبرير = وش عذرها ؟ بنت الاكابرجفتني !
اللي قصايدها يغرد بها الطير =ضاقت بها دروب المحبه وجتني
اخت القمر رعبوبةٍ وصفها غير =امانتي واشتلتها فوق متني ..
ادرا مشاعرها على الود والخير =واتوه مدري وين ؟ لن هرجتني.
تخطي واسوق لها سمان المعاذير = تجفل وانا لن باعدت جفلتني!
ومن خوف لايحصل بلا قصد تقصير = سامحتها لو كان ماسامحتني .
اشري غلاها بالوفا والقناطير = وابيع كل العالم اللي شرتني !
لعيونها سر المحبين في بير != اتلمني واليا زعلت بعثرتني !
اهديتها قلب وقصيد وجماهير = واغليتها لكنها مرخصتني
واحتاجها من بين كل الغنادير = وان كان ماناسبتها حطمتني ![/poem]