نادر العملة !!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يبيَض وجه رجلٍ منع زمله = عن ديرةٍ مالها ملَة ولا ديانة
يطلع مطاليع حرٍ نادر العملة = مهما تغرَب وغاب ايحنَ لوطانه
ومن قوَ باس الجمل ما مال به حمله = سبحان من يلهمه بالصبر سبحانه
عليه مهما تشنَ ايَامه الحملة = يرسي مثل ما رست فالنَير ضلعانه
وإليا تكلَم كلامه جامعٍ شمله= حاسب حسابه قبل يظهر من لسانه
وكلمة رجل خير من خمسة عشر جملة = من فمَ خبلٍ هروجه مالها خانة
والخبل من خلقته بيَاع بالجملة = بضاعته فاسدة في جوف دكَانه
فاعراض خلق الله الغيَاب يا صمله = في كل مجلس تحرَى كبوة احصانه
ما هو كفو بنَ فنجالٍ يقدَمله = لا الشكر طبعه ولا العرفان عنوانه
ولاهو كفو مجلسٍ راعيه ياجمله = هذا كفو مجلسٍ ما طق بيبانه
من بخل راعيه محدٍ راح له كم له = والعنكبوت اتَخذ عشَه على اركانه[/poem]

هزاع الشيباني