بيعة وليّ العهد ،،،

ماحدٍ سوا الله على هالدار اله منّه //
اللي رفع شانها بالدين .. سبحانه
::
دارٍ مية عام والها حنّه ورنّه //
*على النقا والتقا والدين واركانه
::
تنعم بضل الملوك اللي لهم عنه //
يوم ان بعض الزعامه مالها خانه
::
لعل عبدالعزيز العود للجنه //
والله يوفق عمود الدين واخوانه
::
واليوم نايف بشعبه ما اختلف ظنّه //
تهافتو له شبابه قبل شيبانه
::
مبايعينه على القرآن والسنّه //
على العهود القديمه يوم جدّانه
:: *
اي والله نعرف نايف من صغر سنّه // *
صفحة ذهب بالوفا والدين مليانه
::
بشته ذراً للوطن عن لاهب الكنه //
ويمناه سيفٍ يقص ارقاب عدوانه
::
والشاعر اللي عن البيعه قصر فنّه !!! //
لا بارك الله فالشاعر وديوانه*