ماعليك خلاف يالشعب السعودي..

سلام عليكم..

وكل عام وأنتم بخير

والله يديم عزكم ياعز الملوك

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العرب قامت تذابح واوجدودي=كنّهم ماهم على الملّه ولايف
والفتن يالله عساها ماتعودي=ولانقول :ألاّ حسافه ياحسايف
من مصر لاسوريا لين الزيودي=وليبيا حرب وسخافات وطرايف
وحاكمً فالسجن فرجوله قيودي=وحاكمً مطرود ومهدّد وخايف
وحاكمً مدفون مابين اللحودي=وحاكمً يرقل وكرسيّه مهايف
كلّها تفكير شيعي مع يهودي=الأذن توحي ونون العين شايف
ياعربنا يامعرّبة الجدودي=أصحوا من النوم مافيها كلايف
وكبّروا فوق المنافق والحسودي=وكونوا أطيب ناس فالسبع الطوايف
واقتدوا فينا عسانا فالوجودي=في بلدنا كالطوال من النوايف
بينّا حُبّ ومواثيق وعهودي=وعز تبطي ماتوصّفه الوصايف
والليالي عندنا ماهي بسودي=من سعدها كنّها بيض الصحايف
يابلاد الخير من جودك نجودي=وكلنا من دونك سيوفً رهايف
الامن ضافي على كل الحدودي=ولا نخبر اللّي ينام الليل خايف
والسحاب اللّي لا برق ولاعودي=المكارم والرواتب والوظايف
يابلادي غطرفي وأرقي سنودي=حبّكِ مابين الاضلاع النحايف
ولاعليك خلاف يالشعب السعودي=في ذرا الله ثم عبدالله ونايف
[/poem]

محبكم/عيضه الثبيتي
5/12/1432هــ