فركة المسباح !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سلمان حبك الشّعر للشّاعر السبّاح = وانا اعرفك ( شاعر معتبر ) تسبح ابحوره
قصايدك ذات ارواح ما هي بدون ارواح = قصايد لها في محفل الشّعر مقصورة
لا غنّيتها نطربلها // والطرب مجتاح : = جماهير ابو نايف وجمهور ابو نورة
وانا يوم اشيد ابها ماهي مدحة المزّاح = حقيقة لوجه الله ياخوك مذكورة
تهيّض مشاعر من تغرّب ولا يرتاح = غريبٍ ثلاث اسنين واشعوره اشعوره
تحدّه هواجيسه على فركة المسباح = ولاهيب منهيّة ولا هيب مامورة
لها داخله مسرى مثل مالها مسراح= ولا تقبل التأخير : ( عجلة ومطيورة )
تحّلقبه الذكرى لو انّه بدون اجناح= وكنّه يعيش الآمس بالصّوت والصّورة
وهو لا ذكر ما فات له من هنا وافراح= يغنّي على ليلاه والحزن له دوره
ليا من وقع فالرّوح كنّه طعون ارماح = ومنها الجمل خطير يبرك على زوره
ويا شينها تكثر سكاكينه إليا طاح = ولا عاد يسوى حينها : دمع عصفورة
ويفرحبها الحصني وفرخ القطا ياصاح = ليا حسوا انّ اكبود الآجواد محرورة
وطبع الزمن لا مال : زاد الجراح اجراح = وساقٍ كسرها الوقت ماهيب مجبورة
ولاهي غريبة كان ونّ الكسير وناح= بعد دارت الآيام وافترّت الكورة
اقوله وانا اللي ما بقالي كثر ما راح = مع العالم اللي تخرج الرجل عن طوره
في دار العجم لانيب نازح ولا سوّاح= ولا هيب شفّي مير للعلم فاتورة
وهمّ المراجل لو تزحزح حصاة ارزاح = ما ينزاح عن قلبي والآمال معمورة
ولابد احصّل للفرج فالزمن مفتاح= مدام الصبر نهجي والآوهام مدحورة[/poem]

هزاع الشيباني