غلاب بن عايض x عبدالكريم المحينيش ,,

السلام عليكم ورحمة الله وبركاته ,,
مساجله افتخر بها واتشرف .اتمنى ان تنال رضاكم ,,

يقول اخوكم :غلاب بن عايض ,,

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابوخلف من بدة الناس منظام = وادناة ماعكّر مزاجي وجوي
كم لي وانا اقول المواعيد قدام = ولليوم وقتي ماصفا ويش اسوي
تعبت ماحصلت لي عضد وحزام = اقابل ازعاج الحياه بهدوي
عملاق عايش في زمن فيه الاقزام = تعملقوا لاجل انحدر من علوي
من لاينافق كيف ياصل للاعلام = ثقلت خطايه والطريق متلوي
اعذل على نفسي من العام للعام = ثابت وخايف من سقوطٍ مدوي !
ياقلبي الدنيا ملذات وحطام = والفايز اللي بالاله متقوي ..
ياحظ من موته مثل موت عزام = ماغرته ضحكة زمانٍ مهوي
شفت الذي عفته من انواع الافلام = وبعد فهمت الوضع طفيت ضوي !
مالي طماعه في مواريث الايتام = انا من النبع الزلال متروي
ما اطرد سراب اللال واعيش الاحلام = ولاتابعٍ غاوي ولاني مغوي ![/poem]

ــــــــــــــــــــــــــــــــــــــــــــــــــ ـ
ــــــــــــــــــ

رد الشاعر المبدع :عبدالكريم المحينيش
(خليفة الشاعر العلم :عبدالمعين الثعلي رحمة الله عليه) ,..

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


فالشاشه اللي تكتب حروف وارقام =الياطرالي ما طرى في خلوي
اضغط على روس الازره بالابهام = وارسل اصحابي واطنش عدوي !
من صاحبي غلاب جاني خبر هام =وامسيت اسج بروحتي مع غدوي
اللي نعده فالمهمات مقدام = اليوم كنه بالنكوفه ينوي !
بعد قطع نص المسافات درهام =وطى شداده والبعير متثوي !
اله سنه صابر على ظغط الاحكام = واصبح على ازعاج الليالي مخوي
ياصاحبي مهما تحدتك الايام= انته علم فالشعر وتقول توي
انا اشهد ان اسمك علم ظمن الاعلام = ونجمك مع نجوم المجره مضوي
لايمتلي صدرك هواجيس واوهام = ترى طموحك للعزيمه مقوي
والمرجله عربونها حث الاقدام = ومن لاسرح فالمرجله مايضوي
واللي بنى بيته على عز واكرام = مايشلع اطنابه ويصبح مطوي!
وانكان تا تنظر لبياعة الخام = واتقول شوفوا قوتي ويش قوي !
غديت مثل اللي يوامي فالاظلام = ولا على جنوب الهبايب يبوي
اعلامنا ماعندهم شرع ونظام = دابٍ على درب العباد متطوي
في جرهدٍ مايطرب الطير لوحام =ماحوله الا الذيب الاسحم يعوي
طويت صحف قولي وجفن الاقلام =وطاح الربيع وجهت ثعول نوي!
وانكان ماكفاك علم ابورسام = رح واعرض الدعوى على بن مصوي .[/poem]