مــرثيـتي في أخـــي ســعد المــتوفي قــبل أربــع ســنوات(رحــمه الله)

[poem=font="Simplified Arabic,4,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
ابدا بمن كـل المخاليـق ترجيـه=الواحداللـي عالمـن بالخفـيـات


سبحانه اللي دبـرة الخلـق بيديـه=ولقدرته يوجـد دلايـل وآيـات


يارب تجلى الهم عن صـدر راعيـه=همن من اسبابه لي أيام مـا ابـات


أخويه اللـي راح مانـي بناسيـه=ماغاب عني لو دقايـق ولحضـات


روحـت ابـزوره وقلبـي يناديـه=وساعة وصلت هناك قالوا سعد مات


صرخت بصوتي والمخاليق توحيـه=وهلت دموعي مثل وبل المخيـلات


طلبتهـم يانـاس مانـي بمحييـه=تكفون ابشوفه ولوبـس نظـرات


قالوا أخـوك اليـوم روح لواليـه=ودع وعده مات من ضمن الاموات


يارب مابـه شـي وأقدر أسوّيـه=ولاتنفع الحسره على فايتـن فـات


يارب أنا مجبـور لاحـل طاريـه=أنوح نوح الورق وأهـل عبـرات


لطفك وعطفك من عذابن أنا فيـه=ماعاد أميز والفكر غـادن أشتـات


يابـدر لاتكثـر علـي المشاريـه=اليا بكيت أخوي مابـه ملامـات


والله لاهل الدمع وأنـوح وأبكيـه=ماهوب راجع مير في صدري آهات


أخويه اللي يرفـع الـراس ماضيـه=حرن ومنزاله بـروس الطويـلات


له مخلبـن بيـن النشامـا يعشيـه=واليا ارتكا شال الحمول الثقيـلات


يابدر كيف أنساه وأنسى مباديـه=وأنسى لي أوقاتن مهي مثل الاوقات


تبغاني أضحـك والمعاليـق تنعيـه=للضحك حزاتن وللحزن حـزات

لاجيت لي مع شارعن كان يعطيـه=عكست سيري والدمع هل زافـات



وان شفت لي شخصن منول يماشيه=يزداد ضيق الصدر همن وضيقـات


ليته بقا وأضحك وأسولف وأحاكيه=وأشكي له همومن بصدري خفيات


تكفـون ياربعـن تعـزه وتغليـه=يوم الرجال الها عهودن ووقفـات


لاجيت في مجلس ما ابى احدن يطرّيه=ماعاد أتحمل ضلوعـي عطيبـات


يضيق صدري واللواهيـب تكويـه=وأصبر ولومالي على الصبر طاقـات


سعود عقبه ياتـرى مـن يسليـه=عاف الحياه وعاف حلو الملـذات


ياوين أوجه كلهـا حزنـن وتيـه=بالقلب طعناتن وبالكبـد طعنـات


الله وأكبـر يالزمـان وبـلاويـه=ياحيلة الله مامـع العبـد حيـلات


وقتـن تجرعنـا المـراره بتالـيـه=يضحّكّ مره والبكا عشـر مـرات


يارب ماتقسم ترى سعود راضيـه=أمرك مطاع ولاعليـه اعتراضـات


وأدعيك يالمعبود ماغيـرك أدعيـه=تجعل سعد جوف الجنان الفسيحات


وجعل السحاب اليا نشى من مناشيه=تسوقه رياحن على الخير عجـلات


تمطر على قبر الشهم ليـن تسقيـه=بأمر الكريم اللي عطاياه جـزلات


تمت ولو العمر قفـى وأنـا أرثيـه=ما ارتحت ولا ذقت الهنا والمسـرات


والآدمي مهما بقى الموت قـا فيـه=لوزانت أيامـه وزانـن الاوقـات[/poem]