غريبن لحنها مايباعد لحن بخوت = عليها الله اكبر كن بخوت عمتها

قصيدة الشاعر عبد الله بن عون ومجارات الشاعر علي بن صامل والشاعر محمد بن هضيب


‏​[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عسيبن عليه الراعبيه تجر الصوت = وتهزه ليا منه ركد بلتفاتتها
تجر الونين لحالها والحمام اسكوت = ليا سمعها راع الولع ون ونتها
تخفف بجر الصوت عن صدرها المكبوت = وانا صرت من بد الأوادم ضحيتها
تحرك جهاز امولع القلب بالريموت = وتجر المشاعر لين تعطي جريرتها
غريبن لحنها مايباعد لحن بخوت = عليها الله اكبر كن بخوت عمتها
وانا اظن فالورقا وظني هو المثبوت = شعاها المفارق لين هاضت قريحتها
لكن الفراق ايعالج الا فراق الموت = هو اللي ليا مر المواليف شتتها ،،
عبدالله بن عون

[/poem]





[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شعاني كلام (ن)عن جميع الكلام يفوت = يصورمعاناة الحمامه وقصتها
كلام (ن) يذكرنابقصت عقاب ونوت = حجارة مشاعرراعي الولف فتتها
من الشاعرالي لن جلس بالقلم والنوت = يعرف المعاني والحون وسلاستها
رسمها مثل رسم العلامه علي الكبوت = ولاهوب مخطي لونسبها لخالتها
حداهاعن الخد الدكاكه على المروت = علشان غيره مايقصون جرتها
ورماهابغبه مانشدعن أفمي الحوت = مايحمي نوادر درها غيرغبتها
علي بن صامل
[/poem]


[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شعتني بيوتن للمولع شراب وقوت = وحنت قريحت خاطري لين جارتها
نوادر بيوتن ماتوصف علي بيوت = تشوق مسامع خاطري من بدايتها
من اللوول والمرجان ودر والياقوت = قلادت عيوفن في ضحى العيد لبستها
لكن الحمامه مأعلى حالها مشموت = حزينه وحالت من تعنيه حالتها
توزع لحنها مثل توزيعت البلوت = مخالط نعومت صوتها زين بحتها
تسمعت.فيهالامعنى ولامبخوت = وهي ماتراخت لين دعواي جابتها
محمد بن هضيب
[/poem]