جيب لكزز

.
السلام عليكم ,,,

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
راكب اللي يطوي البيدا قوي اعزومه=جيب لكزز توّ ما أعلن صانعه وذاعه

لؤلؤي اللون منوة من كبار احلومه=تطمع الطمّاع لو هو ما وراه اطماعه

لا عطى للقار وجهه وانتهض للقومه=يعطي إلكل المواتر فالسباق اكراعه

فزّته لا فز فزّت من يجيد الحومه=حرٍ اشقر منتهض من بعد طش اقناعه

لا استوى فالخط والأمبير عد ارقومه=ما حسب راعيه وقت وكمّ باقي ساعه

ماتقول ألاّ معه حجّة قضاء مختومه=إنّ هذا القار قاره وإنّ هذا قاعه

إن قفيته قلت اشاره والبلد محكومه=وان نطح مزنٍ سرى ببروقه اللمّاعه

العلامه في جبينه مثل عقد الهومه=فوق عذراء دوب زفّوها بوسط القاعه

لاشتغل تصفير سجّان في سابع نومه=مرةٍ يغفي ومر يراقب الملتاعه

وقفته وقفات أميرٍ تو صابه زومه=مشلحه من فوق متنه من على الشمّاعه

من قوي باسه يهابه فالمجالس قومه=والشيوخ اللي تشوخ القوم جاها راعه

مشتريه الصقر من بومه وجدّه بومه=أشهد أنه رابحه واللي فلس من باعه

وجهته صوب المكان اللي نفح يشمومه=منوه لقلبي وشفّه صيفه ومرباعه

واحدٍ جينا ندوّر عن جديد اعلومه=ماحسبنا للنمور وعاويات اسباعه

الحسايف تأكل الرجّال مأكل ثومه=لاأرّجع الذكرى وتطري له حياة الضاعه

ووجودي لآيمي يالله عساك تلومه=لين يعذر فالامور يقول سمع وطاعه

صدة المقفي رجوعه لاجهلنا يومه=تلعن بساعة فراقه مع على مرجاعه

العيون بدمعها ومن السهر موسومه=ولّـع بقلبي بـ / نار الشوق بالولاعه

الشقا والحسره وقطع النيا مطعومه=ما قنع لو حاولوا شتى السبل بـاقناعه

مايجنّب لو قالوا جعّلها مرحومه=قال راسي واسّدوه الأرض فوق ذراعه ![/poem]

وسلامتكم ,,,