تجربة شوط

السلام عليكم ورحة الله وبركاته يسعدني انظمامي لهذا الصرح الاعلامي الكبير
واتشرف ان تكون اول مشاركاتي باحد قصائدي ارجو ان تنال اعجابكم وتحوز
على رضاكم والله يجملني

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
اخذت في تـــجريب دنياء العنا شـــوط = زائــــد دقايق فيـــــــــــــه والا ثواني
واكلت من لــوعات دنياي كم ســـوط = صــــــحيح اثرها ماعليــها ضـــــماني
والراس مــن تجريب الايام مصعوط = صــــــعط الفكر ماهو بصعط الجنـــاني
اهمش اخطـــوط وتوقفني خطـــــوط = مخــــــافة الله والسلوم تحــــــــــــــداني
اكابر وقلبي من الهــــم مضغـــــــوط =واصــــــبر على جرحي وانا منه اعاني
هذا الزمان اكيد ماهو بمضبـــــــوط = راع الــــــعشر نعـمه لا جاك بثـــــماني
صوت الشجيع اليوم خافت ومغطوط = والا الــــــردي صـوته يصـــج الاذاني
تصدر علـــــوم العرب كل مسخـــــوط = يامر وينــهي يالله المستـــــــــــعاني
نذلاً كلامــه وســـــطــه السم منقــــوط = قليـل النـــخوه طويل الســــــــــــاني
بياض ناصيته مـــــع السود مخلــــوط = والمال غطـــاء هفوة المسنــــــحاني
المال يسند كل ســــــافل وشرمــــــوط = والفقر حجم طـــيبين المـــــــــــجاني
ذاالوصف ماهو شرط بالناس مشروط = الفرق واضــح بين هادم وبــــــــاني
اكيد ماينــــسب لهم شي مغلـــ،ــــــوط = للخير حزب وللـــرداء حــزب ثاني
وكلً بمقســومه مقيــــد ومربـــــــــوط = والباقي الخـــلاق والخلق فـــــــــاني
تبا نصيحة مــــــن خذا تجــربة شــوط = صل وتزك وصوم شهر ارمضاني
وابذل عطا من طيب خاطر ومصفوط = لوجه الكريم اللي عطاك وعطــاني[/poem]