سيف حرب

قصيدتي في حفل تكريم الدكتور عقيد / عبدالعزيز بن عاتق الغيداني

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الشعر نور الشعور اللي يفج الدروب= ويرسم تفاصيل ما يمكن على الأمكنة
ولا كل شاعر على الساحة وأهلها محسوب= إلامَن: أسقى جماد الشعر بالأنسنة
يحرك الساكن اللي مايتحرك ونوب= بقلوبنا عاصي المتحرك ايسكنة
ويذّوبه في سموع مطوعٍ مايذوب = إلا على مايجي من داعي المئذنة
كم شاعرٍ لاسمعته قلت ليته يتوب=وكم شاعرٍ لا سمعته يأسرك بلحنه
وأنا هنا ماني ممثّل فقط للحروب= إلا أمثل جناب الشعر وآسلّطنة
قدام شبلٍ يلبسنا المعاريف ثوب= بالطيب والسمعة الحسنة وفي معدنه
ماقال سويت وإلا قلت فيما ينوب=رقاب المعاريف يخفيها وهي بيّنة
يدله المدح لاضاعت دلولا الكذوب=مثل مادل الليقين أقلوبنا المؤمنه
يسوق شعري لأبوبندر نسيم الهبوب = من ريح ريحانه ويشمومه وسوسنه
الشعر في مدح أبو بندر بليا ذنوب=اسمه لا مر الشعر كنه يكفّر عنه
حول المدايح يدندن طيبين الوجوب= وعبد العزيز أصلا المعروف هو ديدنه
دكتور علم ومعرفة واستشاري اسلوب=الكبر قدام لا يكبر معه كفنّه
ماهوب دكتور قلب إلا أن كل القلوب= من الغلا كل قلبٍ في يديه ارسنه
مثل مابالعين يُحضن قرص شمس الغيوب= بعيوننا نحضنه بقلوبنا نحضنه
الرجل لا حبه الله ما يزال محبوب= وصيته يسابق معاريفه على الألسنه
الطيب له فجر بس الطيب ماله غروب=أحدٍ خذا الطيب وأحد الطيب يؤخذ منه
ولا كل واحد يبا يسوي سواته ابنوب=والله لو إنه بدرب الطيب ياقف سنة
أحدٍ لاسوى فعل غانم تقال مغصوب= وأحدٍ قصر فعله الغانم على اللي منه
وأحدٍ ابفعله يبا ياصل ويملى الجيوب=من قبل لا يفعل المعروف يبغى ثمنه
وإلا أنت فعلك سواة الغيث من كل صوب=وعن لمحة الطيب عينك ما تاخذها سِنه
شامخ سوات الجبال الشامخة بالجنوب= ال غيرنا نزبنه وبحالنا نزبنه
قال الردى في سفينة حرب ماله ركوب= وقدام يركب حفر قبر الردى وادفنه
لو كان للطيب منصب قلت (سيف الحروب )= اللي بحده يقص العلة المزمنه[/poem]