كبش الفدا !!

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شوط التحمّل والغرابيل ابتدا = شوطٍ يثير الشوشرة والبلبلة
في رقةٍ بيضا يموت ابها الصدى = الحِمْل فيها منزبر كبر جبله
لو حطّ فوق اشعيل يبطي ما عدا = واشعيل ما يحمل حمل ما هو بله
اعرف على لحيتك يا كبش الفدا = واصحى تصدّق نجم برج السّنبلة
اسلك طريق الحقّ وصراط الهدى = مالك ومال : الفرقة المستقّبلة
ناسٍ طلع في قلوبها : غشّ وصدا = تشذب عراقيب البعيد وتنبله
تغزي سماه بمدفع ابعيد المدى = وتحاول اتولّع فتيل القنبلة
اتحيد عن ملّة وسنّة تقتدا = تركع وتسجد بالثّياب المسّبلة
مار العصامي يا عناقيد الردى = يثبت لصكّات الزمان المقّبلة
ياطا الخطر ويدّك ميدان العدا = واللّي يوقف في طريقه يهبله
على الردي نار : وعلى الصاحب ندى = (يحرق عروق آفة) : (ويسقي سنبلة)
فالفانية لا راح مجهوده سدى = يضحك ولو فالصدر : همّ وغربلة
مثل المحيط الاطلسي ماله مدى = اسرار برمودا فـ : ماه مطربلة
والطيب من دونه جراهيد الكدى = ما ينعسف بمهاترات وبلبلة
لولا الطحاطيح وعناقيد الردى = ما حطّ للتاريخ : كتب ومزبلة

[/poem]

سلمان بن مزيبن