ياقصيدي سم بالله الرحيم

السلام عليكم


الله يصبحكم بالخير ويمسيكم بمثله . اخواني واخواتي اعضاء منتدانا المرقاب..



كلمات اتمنى انها تعجبكم ..... والسموحه على القصور




ياقصيـدي سـم باللّه الـرحيم ............واطلـع طلـوع الحـرار الصـاطيات






في مراقيب العلا خلك مقيـم ............... ذا محلك فـالطــوال النــايفات







انت في عيني عن الهفـوه حشـيم ...... حافظـك عن كلمـة(ن) فيها شمـات









لاتـزعزع خـل مشـيك مســــتقيم ............. مثل مــاني خابرك فـالماضيـات








شدّ حيلك قدمنا خطب(ن) عظيم .......... والامـور الكــايده تبغــى ثبــات









ماذخـرتك في غزل دانه وريـم .......... ذاخرك لمصـادم (العيّـال) هـات








هـاتها كلمـه تـوقع فـالصميم ............. من صـداها ماتطيـر الحـايمات










علـم الجهـال والقلب الغشــيم ............ والّجـم افـــواه الــوجيه الهـابيات










مارضيـنا بالخــطايا مـن قــديم ................. ولا خـــذينـــا حقـــنا بمــــجامــلات











وانت ياللي وّزك ابليس الرجيم ............هـرجتك هذي عليـها مــلاحظات










مانطقت الحق مخطي يالئيـم .......... والخطــا راعيــه ترمى لـه حصــات










جبتـها عــوجا ياعنّ كنيّ فهيــم ..............وقصــدها مكشـــوف من كل الجهـات











مـاجهلنا في تضــاريس القصــيم ....................خابرينـــه والعلــــوم مصلّــحــات











من عشق مســراك يالليل البهيـم ...............ولا تقــدى بالنجـــــوم الســـــاهرات










ابشر انّه في متاهاتك يهيــم .................. لو يجي مكـــه تــوقعها مــرات










مير هبّي ياذعـــاذيع النسيـــم .................. وانعشيني والوعـــــد فالمقبــــلات











كلمة(ن) تقنعـك في شي(ن) سليــم ..................ليش تتركهــا اســيره للســكات ؟؟











خلــها تمشي مـع العالم همـيم ................ حكمة(ن) لأهـل النفــوس الطيبــات












الشــعر لا شك وهبــه من كــريم ................... بس مايــرفع (وطّيّ) المنـــزلات











ويش فرق الرجل عن فرق الحريم ............... غير فرق الــورث وافــراد الصـــلاة ؟؟














لستـووا .في صنعة الشعر النديم ............ الرجل يمتــاز في عدة صفــات











ماعتقــد تخفى على رجـل(ن) عليــم .......... واضحه بس الجــهل فيها ردات

















مفتخـر به لو على عـرشه زعيـم ............... افتخــــــر بالتــــاليـــات الاولات












افتخــر باللي ورثــته من عــديم ................... فعل جــدي بـالسنين الكـــايدات

















بشت ضــافي مالبسته من نعيــم ................. غصــب مــاجاني نتــاج محــايــلات
















ماشي(ن) ممشــاه لو وقتــي جحيــم ................ واسمعـــوا يــاهــل القلوب المبغضـات
















نجمنــا ثــابت مكــانه مستــديم ................ ماتــزحــزح والنجــــوم محـــــولات
















منتهى (زيّ الهوى) لعبدالحليم ................ الأصــــاله غير فـن الشكشكـــات

















وياقصيدي سم بالله الـرحيم ............ والجم افــــواه الــوجيه الهــابيات














ســـــــــــــــــــلامتكم













فالح

















(عمّــــان)