لها وليس لغيرها

[poet font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]




قالوا قصيده لجلها وانت شاعر "=" تبخل عليها وانت للقاف صراف







قلت الشـعر يسـجد لبعـض المشـاعر "=" لا جا حماها يصـبح الشـعـر خــواف







ماينفعـه لو هـز طـوله يكابر "=" يبين ضعفـه بين موصوف واوصاف





والأم هيبتها تهز المنابر "=" يحتار فيها الشعـر ويشيب القاف





ماني عـلى تنهيضـة الشعـر قادر "=" لا من خضع لامي فلانيب وقاف





اخضـع معه وبحبـة العـز ابادر "=" لاصـابع اقدامٍ على خير الاهـداف




من خـلقة الله حبهـا بالضمـاير "=" عينٍ تسـاقي بالغـلا كل الاطـراف





في برها ربحٍ بليا خساير "=" مردود بر الأم باضعاف الاضعاف






يامزعل امك مالك ادنات عاذر "=" رح وارضها عجل ترا الموت خطاف







حتى ابليس يبر بامه وناذر "=" يطعم لهبها ناس من كل الاصناف



وســـلامــتــكـم جـمـيــعــــــــا

[/poet]