جند المواجع

السلام عليكم

هاذي قصيده كتبتها في رئيسي الحمر العطر وحبيت تقرونها

وسامحوني على القصور




[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يدور في فكري ثمانين هاجس=واشكي من دهور البخت والنحاسه

تقول حابسني من الضيق حابس=وعلي من جند المواجع حراسه

كني طريدٍ بين الاغراب جالس=اللي جلا عن دار ربعه وناسه

لاهوب لا نايم ولاهوب ناعس= مانام واهل الثار يبغون راسه

وان كان لهموم المخاليق قايس=همي يعجز مقايسه عن قياسه

من عقب ماكنا نضد الفوارس=ونعّلم الفريس كيف الفراسه

قام يتحكم بي رجال الكنايس=اللي مذاهبهم تبيح النجاسه

عدو للاسلام ملعون خامس=عدونا وشلون جته الرياسه

وش فايدة تعلومنا فالمدارس=ياقوم ياسنين السهر والدراسه

اليا متى ياعُرب والوضع حايس=ونبلش برزق عيالنا والسياسه

ومدام حابسني من الضيق حابس=وعلي من جند المواجع حراسه

اخيرلي اروح واسكن اورانس!=يمكن احصل في اورانس وناسه!
[/poet]