لعيونك انت! اجمل صباح الخير ياخير الصباح

مساء الخير وصباحٌ اجمل للجميع

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بين الحداثه والكلاسيكي حقيقه! فيه فرق=مثل ماتفرق عن نسيم الصبح اعاصير الرياح
والسيف: له طعنه شديده غايره,والرمح زَرق=والموت في طعن السيوف وعند زرقات الرماح

والبل: مجاهيم,ومغاتير,وصفر,شعل ٍ, وزرق=ويوم المزايَن قَدِّمت ريمه,وسمحه,مع سماح
والشعر: له موعد ويطرق خافق العِشّاق طرق=وكلٍّ على فاله ويطلب بالعوافي والصلاح
والشاعر اللي بالقصايد بارع ٍ في كل طَرق!=موعود في دنياه مع شعّار جيله بالنجاح
والجادل اللي سِحرَها بعيونها,وإخدود طُرق!=إصخر لها القيفان يافكري ولبّسها وشاح
وآنا ليا منّي بدعت القاف صار الغرب شرق=والليل لادلهم وعسعس! برق فكري فيه لاح
إليا ضرَبت بسوط فكري! ينتشر في الكون برق=وبنات فكري محتسيها في الزمن مثل السلاح
يافكر سنّد للمعالي,والفخر,والمجد,وإرق=مادام ربَّع في هجوسك وإعترض سيد الملاح
جاتك على وضح النقا0عزّ وفخر 0ماجات دَرق=وقالت: صباح الخير0 شفت إشلون منها العطر فاح!؟
يامرحبا باجمل صباحاتي عدد ماناح وِرق=ولعيونك انت اجمل صباح الخير ياخير الصباح
يامَن خذا قلبي بكيفي عن رضا0ماهوب سرق=وحتى ولو هو سارقه0 مادمت انا راضي! مُباح
ملكـتني كـلّي بعَد حاصرت قلبي عرق عرق=اجمل حصار ٍ صار فعلاً0 لاصباح ولاصياح
وفي فلسفة(علم الحروب) إن الحصار اشدّ حرق=من لاهب النيران,والأمراض,والسمّ الذحاح
وكم من حصار ٍ في زمننا فيه للمألوف خَرق=والواقع الملموس! يحكي مايسبب من جِراح
لكن حصارك غير وانته غير فعلاً فيه فرق=هذاك لو سبّب ألم! سبّب حصارك إنشراح

وإختامها حيّا الله اللي مرويتني عرق عرق=اللي مساء الخير من فمها0 يغنّيها الصباح[/poem]

وسلامة الجميع

اخوكم\ سابك ذهب