درب الغـــرام

[poet font="Simplified Arabic,5,black,normal,normal" bkcolor="transparent" bkimage="backgrounds/3.gif" border="none,4,gray" type=2 line=200% align=center use=ex length=0 char="" num="0,black" filter=""]
اخوتي واخواتي في منتدى المرقاب
اسعد الله جميع اوقاتكم بالخير والمسرات

يسرني ان اعرض على انظاركم ومشاعركم

قصيدتي المتواضعه التاليه راجيا

ان تنال ولو بعض رضاكم:



اه لو جنّبت عن درب الغرام احسن لي=كان ماعنيت نفسي مثل من عناها
كان ذالحين امتريح فوق فرش وزلّي=مااسهج الدرب الوعر بالرجل لين احفاها
مع دروب اللي عقد لي عقد ماينحلّي=عقدةٍ من فوق عقده مسّها ماارخاها
عقّد حبال الهوى واقفى وهو صافلّي=حال من دونه شديد البدو ومعشّاها
خذت منه الهرجه الحلوه واخذني كلّي=ومضرم الهرجه يجيه جنان لامااوحاها
لدّ لي وتشوف في حالي عجب ياخلّي= فيه سيات المحبّه غيّبت حسناها
تل قلبي من فراقك ياحبيبي تلّي= تلت اللي يتعب الغرّاف مايملاها
دلو بدوٍ ذودهم مظمي معاد يفلّي=وردوه اللي يبيّد باليدين رشاها
ينتلون الدلو ويغنّون (ياهوبلّي)=ومن ظما ذروات ماها مايخالط ماها
ثقلت حمول الهوى ياغايتي قابلّي= شل معي واللا بنزّلها معاد اقواها
شل هذلّي من حمول الود واللا ذلّي=التعاون عون للانفس على بلواها
كان جارٍ لك من الهجران ماجارٍلي= مشكلتنا مشكله ونعرف من سوّاها
ادع ربك وانت تمشي وادع وانت تصلي=(الله انّه لايوفق واحدٍ يرضاها)
وقل لتبّاع المقفّي ول يامال اللي=يمكن انّه ينتبه ويحرّكه معناها

وسلامتكم جميع

محمد الدهيمي
[/poet]