مفرج السبيعي شاعر متمكن ...(خلقت بالدنيا وانا مامعي شي)

[ALIGN=CENTER]نقلا عن جريدة الجزيرة السعودية[/ALIGN]


[ALIGN=CENTER]الشاعر مفرج بن مفرح السبيعي شاعر غني عن التعريف.. له العديد من القصائد التي اشتهرت بين رواد الشعر.. شاعرنا هو قائل هذا البيت: [/ALIGN]

خلقت فالدنيا وانا ما معي شي .................واباروح منها ما معي شي منها

له قصائد ابدع فيها من حيث اجادة المعنى وسلاسة الاسلوب ودقة التصوير.. طرق جميع أبواب الشعر.. يغلب على شعره الحكمة.. اليكم مقتطفات من اشعار شاعرنا:
عن مؤسس هذا الكيان العظيم جلالة الملك عبدالعزيز بن عبدالرحمن آل سعود -طيب الله ثراه- يقول شاعرنا من قصيدة طويلة اختار منها:

عبدالعزيز اللي صنع له بطوله

بالسيف والبندق وعوص النجايب

وحفظه كتاب الله وسنة رسوله

وصبر وجلد واحساس قاضي نوايب

وشجاعة فذة وغيرة رجوله

جميعها كانت لنصره سبايب

فتح بها حصنٍ صعيبٍ وصوله

وحد بها شعبٍ عطيب الضرايب

أما عن اختيار المجالس فيقول شاعرنا:

يا حبني للي ليا جيت يمه

لا مجلسه عامر بضول الرياجيل

ضول الرجال منطلين الاعمه

في ساعة فيها تضيع الاقاويل

والمجلس الثاني مجالس لائمه

اللي يفكونك من القال والقيل

حديثهم يجلا عن الوجه غمه

مغير تسبيح لربي وتهليل

والمجلس اللي ريح عوده تشمه

لا عنك ما انت بزاير مجلس بخيل

هذا الصفاة الطيبات المهمه

اللي مجالسهن ينوش التنافيل

تطلعك فالدنيا وفالدين قمه

وتاويل من يبغى عن الطيب تاويل

ومن قصيدة تتحدث عن موضوع آخر يقول فيها:

العين شاشه والهواجيس ريموت

والخوف مني والطماعه براسي

كم فرصة ضاعت على المنتظر فوق

يمكن بها تحطيم رقم قياسي

ومهما يطول العمر ميعاده الموت

والموت ما بعده مناصب كراسي

اما عن اختيار الرفقه الطيبه فيقول شاعرنا:

وين ابا القى لي رفيق على الزله صبور

ايتحمل زلتي واتحمل زلته

يعذرني كان زليت وان زل امعذور

زلت الالسن ما تخلف علي اجبلته

رفقته ماهي برفقة قصيرين الشبور

اللي واحدهم وجوده يساوي قلته


ولشاعرنا هذه القصيده التي اشتهرت بين رواد الشعر الشعبي وقد تعرضت لعدة سرقات من لصوص الادب لتميز هذه القصيدة وما تحمله من معنى ومضمون حيث يقول الشاعر:

[poet font="Simplified Arabic,5,white,normal,normal" bkcolor="burlywood" bkimage="" border="ridge,4,gray" type=2 line=200% align=center use=ex length=0 char="" num="0,black" filter=""]
خلقت فالدنيا وانا ما معي شي =واباروح منها ما معي شي منها

خلوني استانس بها حدني حي =لامت مدري جثتي من دفنها

وان عشت عمر الادمي كنه الفي =كم خزنةٍ يكوبها من خزنها

شوي ندله واربع ايام وشوي =ندفع لسجتنا القليله ثمنها

والرابح اللي لا نطوت صفحته طي =في رحمة الله طاعة الله ضمنها
[/poet]

اما عن عزة النفس فيقول شاعرنا:

البارحه نومي لعيني تناويش
لا نعست دك بهاجسي ما طراله

طواري ما سنعوها الدراويش
تطري على من عنز ابوه خاله

المال لو جا في يد اللاش حتى ايش
ما زاده الا عنجهيت جهاله

حلفت ما ارخي هامتي للبخاشيش
واني ما اصانع واحد لاجل ماله

راسي.. علا.. قنعان بقليل العيش
ما ستعبده غير انت ياذا الجلاله

اللي بيدك الرزق مسق المعاطيش
ما خاب من وجه لوجهك سواله


اما من قصائد شاعرنا الغزلية فنختار هذه الابيات:

الغلا ما زال.. ما زال يا زين الوصوف
في حجايا ضامري بين الاضلاع محجي

ليش تزعل يوم احط النقط فوق الحروف
وانت ما يخفاك طبعي وتعرف منهجي

المحبه ثابته والمجي حسب الظروف
ان حصلي جيت.. وان ما حصلي كيف اجي

اشهد انها كية فالحشاء بين الجوف
لا حصل لي مدخلي ابتلشت بمخرجي

نتمنى لشاعرنا دوام الصحة والتوفيق.. وعلى المحبة نلتقي مع شاعر آخر ولكم تحياتي..

زهران عون الله المطيري


بريدة