(((( سجاني وسجني ))))

السلام عليكم ورحمة الله وبركاته

لكم مني

مع صادق الود


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماهوب معقول كملك ما تهرّجني = مغليك لو صدّ صدّك ويش تعتبره ؟
*
خلاص طوّل جفاك وشوقي ازعجني = وانا بحبس المشاعر ما املك الخبرة
*
ماعاد فيها صبر ياجيك والا اجني = البعد عزّر بحالي شوفلي دبرة
*
مادامك علاجي المضمون عالجني = ماعاد للحيل في جسمي مغز ابرة
*
عاتبني .. اقس بكلامك حيل . واحرجني = حطم شموخي معاك وخلني عبرة
*
ولك مني اكون راضي .. لكن اخرجني = من بحرك اللي عجزت لحالي اعبره
*
محتاجك الله لغيرك لايحوّجني = يا نبض قلبي .. ويا كسره .. ويا جبره
*
الوقت قاسي معي والهم يدرجني = والصدر فاحت دلاله وانتثر صبره
*
خذني معك حر... ياسجّاني وسجني = القلب واخلص معك .. لاعاد تختبره
*
عطني يمينك .. وسرّ القلب .. وابهجني = وارسملي الإبتسامة .. وامسح العبرة
*
في ذمتي لو على متنك تحججني = ماجبت نص الغلا اللي جاك من كبره
*
تعال وانس الزعل تكفى وهرجني = واللي مضى من جفا مانيب معتبره[/POEM]

تركي المورقي