الخاطر المكسور

[poet font="Times New Roman,5,black,normal,normal" bkcolor="transparent" bkimage="backgrounds/17.gif" border="ridge,8,sienna" type=2 line=200% align=center use=ex length=0 char="" num="0,black" filter=""]
الخاطر المكسور مـازال مكسـور
حاولت فـي جبـره ولا زان جبـره


جبره وكسره عند مـن طلتـه نـور
اللي علـى فرقـاه ياطـول صبـره


في شوفته هايـم ومغـرم ومجبـور
ومن صدته في داخل الصدر عبـره


ان جيت له يجذبني حساس وشعـور
اسمع صدى الترحيب في كل نبـره


وان رحت عنه يشب في الجاش تنور
مثـل الـذي ماباقـيٍ غيـر قبـره


ليا ذكرت مفارقـه طحـت مقهـور
يـدق فـي قلبـي مثـل دق الابـره


اسهر من المغرب الى طلعت النـور
كسبت من سهر اسمر الليـل خبـره


لااقبل ظلام الليل جـاء للشعـر دور
على الورق راس القلم سـال حبـره


ياصاحبي لاتعلـن الهجـر والجـور
اللي بوسـط القلـب شـيٍ تخبـره


غـلاك مابيـن المعاليـق معـمـور
ماينتوصـف شـان حبـك وكـبـره


لاتحسبنـي يـوم قفيـت مـسـرور
مالـي علـى مـادبـر الله دبــره


قلبي يبيك وخاطري منـك مكسـور
والمشكله كانه قصـر عنـك شبـره


وســـلامـــتــــكــــم


شــبــيــب شـــاهــــر
[/poet]