نبض الشوارع

نـــــــــبــــــــــض iiالــــــــــشــــــــــوارع



يا قصيدي طال ليلك بالصدود وبالعنـاد * والقضيـه مـا تحمّـل لا عنـاد ولا صـدود


هات راسك ودي اكتب والحبر دم الفؤاد * في زمان الذل جيتـك والصبـر جالـه iiحـدود


انكشف وجه الحقيقه وإبتدأ العلم الوكاد * والشواهـد للمشاهـد ماتبـي قـول iiالشهـود


ياعرب شفتوا(جنين) الغارقه وسط النفاد * ياعرب شفتوا وشفتوا عربـدة جنـد اليهـود


الضحايا بالشوارع حرّكت حتى الجماد * مسجيـاتٍ فـوق الأرض بـلا قبـور ولالحـود


اليهود الله عليهم بالصباح وبالهجاد * نطلب الله بالركوع.. وندعـي الله فـي iiالسجـود


ينتقم للشعب الأعزل من يدين الإضطهاد * وينزل الله فوقهم ما انزل على عـاد iiوثمـود


استباحونا وعاثوا في حرمنا بالفسـاد * مالقـوا فينـا رجـال ٍ تـردع الظلـم iiوتـذود


يقتلون الشيخ الأعزل والطفل وسط المهاد * والبلابـل والحمايـم والبراعـم iiوالـورود


بين صرخات الثكالى واليتامى يا العباد * ماجحدنـا إلاّ العميـل ولاعملنـا إلاّ iiالجحـود


تستغيث القدس فينا..نستمع للسندباد * تشتعل نيران الأقصى.. مااحتـرك فينـا iiجمـود


يبكي الطفل بحراره.. نضحك لرقصة سعاد * تصرخ الأم بمراره .. ننتظر طلـة iiعهـود


مرحلة ذل وهوان ٍ ماحصل من عصر عاد * بالفعل نمشي نزول وغيرنا يمشـي iiصعـود


ماتبعنا (إبن الوليد) ولااتّبعنا(ابن زياد) * ولا احتذينا في (صلاح) ولا صناديـد iiالجـدود


الزحول اللي تجاهد .. سيفها ماله غماد * من كثر مايطعنون .. ومجدهم يرقـى iiسنـود


ما ثنى إلاّ عصبة التوحيد وحماة البلاد * ناطحين الموت الأحمـر بالنواصـي iiوالكبـود


باعوا انفسهم على الله يوم جرح الظلم زاد * لأجل الأرض ودون عرض مجندين ٍ iiكالفهود


بالجساره والحجاره .. لاسلاح ولاعتاد * باليدين يقاومـون سلاحهـم بعـض iiالحيـود


يالرجال الصامدين اللي تذودون السهاد * والعرب والمسلميـن بسابـع النومـه iiرقـود



اعذرونا لابغينا نجمع الصف إتحـاد * ماخلصنـا مـن عميـل ولاسلمنـا مـن iiحقـود


نشبه غثا السيل لامن سال في وقت الحصاد * واجد التعداد .. لكن بالفعل مابـه iiوجـود


يافلسطين الحبيبه مالنا غيـر الحـداد * والعبايـر فالحناجـر والدمـع فـوق الخـدود


الصراحة والحقيقة يوم ركب الهم قاد * والله إنّـا فـي سجـون ٍ واسعـات بـلا iiقيـود


في زمن قهر الرجال وبيع الأمه فالمـزاد * يالله افرجهـا علينـا.. ياغفـور iiويـاودود


الفتايل مستعدة.. وين رأسك يالزناد * لو تشب النار نكسـر فـي عيـون الـذل iiعـود


ارحمونا ياجماعه.. مابقى فيها إجتهاد * اسمعوا نبض الشوارع .. كل فعـل ولـه iiردود


لا الحدث نبوة حسام ولا الخطأ كبوة جواد * طيحة ٍ طالـت وقالـت مالخيمتكـم iiعمـود


ماحمانا بالمواقف لامشيـر ولاعمـاد * ليـن صـارن الصبايـا فـي مجاندنـا iiجنـود


الصبايـا بالحـراره .. عيّرنّـا فالبـراد * حرّضنـا للجهـاد .. وودعـنّـا iiللخـلـود


شفتوا(آيات) العروس.. ترتل آيات الجهاد * أخرستهم(بنت الأخرس) بالشجاعة iiوالصمود


وإتبعتها(عندليب) وراحت اشلاها سماد * في ثرى أرض الإنتفاضه والصواعق iiوالرعـود


ياحماة الدار صرتوا للوسايد والرقـاد * والبنـات يفجـرن أجسادهـن.. مثـل iiالأُسـود


والله إنّـا لابسيـن ٍ بالملامـات السـواد * يـوم نخضـع بالمذلـة للخنازيـر iiالقـرود


سامعين وطايعين وخاضعين ٍ بإنقيـاد * حافظيـن ٍ للعهـود وهـم يخونـون iiالعهـود


يوم شفت الصمت سيّد موقف رجال الشداد * قمت أناظر في الكراسي والعن القلب الشرود


ياخسارتنا المريرة .. نارنا صارت رماد * واحد وعشريـن دولـة , ماتصـدوا iiلليهـود





في يوم غفل الناس فيه محاولة الهروب
اتى محمد الجلبان باسلوبه المميز ليؤكد للجميع انه شاعر القدس