قصيدة (( قالوا وقلت )) للمسعودي

قالوا وراك انحيف ؟ قلت المتن كيف ؟
_______________________ قالوا دخل فيك الهوى ؟ قلت هاوي
قالوا تحب الزين ؟ قلت أسهر العين
_______________________ وعن الســــهر وين الطبيب المداوي
قالوا تحب المال ؟ قلت اتعب الحال
_______________________ لا جــــا نوال ولا تـــــــريّح شقاوي
قالوا تبا الطالات ؟ قلت آه مرات
_______________________ أسهر طويل الليل ودّي ونــــــــاوي
قالوا تبا لك بيت ؟ قلت آه يا ليت
_______________________ محد (ن) بنى بيت (ن) بكثر المناوي
ولا فاد كثر القول من غير معقول
_______________________ ولا يشبع الجيعان كثر القهــــــاوي
لوّ اسلم الوسواس مثل بعض ناس
_______________________ ما كان فيّ الهمّ سارح وضــــــاوي
ناس (ن) على لا شيّ يحلى لها الفيّ
_______________________ ما زاد زاد وما نقص ما يســـــــــاوي