الـــــبــــ( ناصر ابا الروس )ـــــــرق

هذه القصيده اعتبرها اعز واغلا ماكتبت فيما مضى وفيما هو آتٍ على الاطلاق......فهي في شخص اخ وصديق غالي ومن الروح .....ناصر ابو الروس..ابن الشيخ الكريم المغفور له بإذن الله : نايف بن مفرح ابو الروس ..شيخ المحينات من قبيلة عنزه الكريمه.. اخ وصديق يجمعنا مجلس واحد وقلب واحد ..وزميل يجمعنا مكان عمل واحد ...وزميل حرف يجمعنا الشعر ...........إلى اخي : ناصر ابو الروس.. الرجل الذي يذكرني بالبرق عندما اراه...مني له ...وإليكم :













[poet font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
اجبال وهضاب ومراقيب وطعوس =متباينه مثل التباين بهالناس


وهذا القلم سهمي والاوراق له قوس =ارميه في قلب الحقيقه على ساس


غـِرْ ياقلم هذا الشرف حيل محسوس =في مدح من يستاهل المدح باحساس


ناصر ولد نايف بن مفـْـرح الروس =اللي لحبل المرجله حيل مسّاس


قوله يجي دايم بالافعال محروس =ماكان قوله قبل الافعال حَرّاس


واضح ولايحتاج تجريب وحدوس =قلبه بوجهه لابس لسانه لباس


صادق ..يمينه ماتخشّش بها موس =على النقا ماجال بدروب الادناس


وله مجلس ٍ يطرد عَنـَا كل هاجوس =ويحطّ سور عْن الشواريد وعماس


يطول ليل مسامرينه وممسوس =يشد ّ ...وجهه لا تثاوبّه نعاس


وله خوّة ٍ يوم المنايا له جروس =متخامس ٍ كف الخطيمي وهرماس


وياقاري ٍ شعري ترى الطيب ملموس =ماهي سوالف زِ يّــنت وسط قرطاس


ماهو مثل من هو له وجيه وطْـقوس =مرّه يجي وافي ومراااات بلاّس


بعضْ البشر لمْصافـَحَهْ إلبس دسوس =أشرف ولا تدنيس كفـّك بالا نجاس


مدحي لناصر افتخر به وناموس =يوم ان غيري يمدح الغير عساس!


والله ماراسه مثل أغلب الروس =نايف ابو(نايف) ولد (نايف) الراس
[/poet]



*الخطيمي : خلف الخطيمي الخالدي
*هرماس: هزاع محمد الهرماس الشمري


- لذكر هؤلاء الاحبه (ناصر -خلف-هزاع) فخر كبير (ينومس ويرفع الراس) وانا افتخر بهم ، لما رسموا وضربوا اروع الامثله في (الخوّه) في رحله تحفها المنايا من كل اتجاه إبان الغزو الغاشم على دولة الكويت .