حقيقة سداح .. واتمنى عدم ازالة الموضوع ..!!

السلام عليكم

مساء الخير يا وجيه الخير ..

ادري العنوان فيه ناس بيستغربون منه..

وناس بيقولون اكيد عشان لفت الانتباه ..

وبالفعل هذا اللي قصدته ..

حتى يتسنى للجميع قراءة هذه القصيده ..

للشاعر / حمد بن فالح المطبوخ الهاجري

معد ومقدم برنامج لوحات شعبيه

واسباب هذه القصيده عند زيارة الاخ الكريم

والخلوق الاديب /معيض العتيبي ابو نوره

تطرق للشاعر العلم سداح مع حمد الهاجري

ومن المعلوم ان ابو فالح بعيد كل البعد عن عالم الانترنت

فتمنى ان يقرا لهذا العلم بعد ثنائي مع معيض على الدكتور سداح

وهو بلا شك اهل لهذا الثناء ولم نوفيه حقه مهما تكلمنا ..

فجلبت من السياره قصايد سداح محتفظ بها في السياره

حتى اتعلم منها واستفيد بين الحين والآخر ..
وعندما اطلع على القصايد .. ابو فالح انشد هذه القصيده ..

:::::::::::::::::

[poem=font="Arial,4,white,bold,normal" bkcolor="transparent" bkimage="backgrounds/22.gif" border="double,4,darkred" type=2 line=0 align=center use=ex num="0,black"]
الشعر يا سدّاح يشهد لشرواك=يا مْهندسه يا خيرةْ مهندسينه

من فكركْ الصافي ومن فعل يمناك=يشكي عليك اللي مضى من سنينه

جيته على الميعادْ من يوم ناداك=وجالكْ وخلاّ عالم ملعوزينه

عبَّرتله بشعور صادق خفاياك=مشاعر ٍ بين الضلوع الدفينه

مشاعر ٍ ما قالها ذا ولا ذاك=وانشهد انْها بالمعاني ثمينه

واللي قراها ما تسمّع لذولاك=خزينتكْ ما عاد معها خزينه

قدها عسى ربي من الشر ياقاك=وعز الله انك قايد ٍ للسفينه

نجمك يبي يسطع ونسري بمسراك=وتسري بنورك ناس من كل عينه

إن قالها الله تعجبْ بشعرك اعداك=وتعجب بك أهل البر وأهل المدينه

والناقد اللي ينقدك شيء يفداك=يا المبدع اللي كلنا مؤيدينه[/poem]


وسلامتكم

وصح لسان شاعرها .. حمد بن فالح المطبوخ الهاجري

ويستاهل الدكتور والعلم .. سداح


والسموحه على التطويل