انـــــوااااع الدمـــــوع!!!!

[poet font="Simplified Arabic,4,black,normal,normal" bkcolor="transparent" bkimage="" border="groove,8,gray" type=2 line=200% align=center use=ex length=0 char="" num="0,black" filter=""]
الاخوه الغالين في المرقاب العالي...
اسعد الله اوقاتكم بالخير والمسرات.. مشاركه
مني معكم اتمنى ان تنال رضاكم...
هلابكم لتصفحها..

الدموع انواع والعين مدهل كل نوع= دمع للرجّال ذلّّّه ودمعٍ يكرمه
دمعةٍ في طلبة الله على وقت الخشوع=جفن راعيها عن النار ربي مكرمه
لاتقبّل وجه ربه وطوّل فالركوع=دمعته تغني عن المال واللي يردمه
واهني اللي ذرفها وخلق الله هجوع= مايشوفه غير ربه لعلّّه يرحمه
ودمعةٍ تذرف على موت ذربين الطبوع= يرخص الرجّال دمعه لموتة محزمه
لاكواه العلم الأقشر على حد الضلوع=هل دمعه فوق خده ووجهه غمغمه
خص كان الميّت ابوه ولاّ اخواً بتوع=ولاّ ابن عمٍ الياحس ضيقه يزهمه
دمعته تشتب فالعين من بد الدموع=دمعةٍ ماهيب دمعة غرام وسلهمه
عزتي للي ذرفها من القلب الجزوع= ماذرفها غير عينه عليها مظرمه
ودمعة تذرف من الغبن قدّام الجموع= من ضعيفٍ حزة الهوش كلٍ يدحمه
يوم خصمه جوه ربعه على العزوه فزوع=التفت مقهور ماجاه حياً يدعمه
وقهروه صعاب الأريا وطاوع غصب طوع=من فحوس الغبن ماعاد يرفع برطمه
والغبينه تجعل الرجل في ذل وخنوع= قد تعوّذ سيّد الخلق منها بكلمه
ودمعة ينزل بها الرجل من عقب الطلوع=يلحقه منها نقاده وتنقص باسهمه
الفروع اللي اليا اقفت تقول اني فروع= مايهل الدمع لفراقها غير رخمه
لن دمعٍ ينتثر لاجلها ذل وخضوع=ومن يهين النفس للناس كلٍ يتهمه
روّحي ياشيخة الغيد والفرقا تلوع= قالها اللي يحتمي كل كلمه من فمه
مايبكيّني مفارق ولا اعاف الرجوع= والقلوب من المعزّه تموت مصمصمه
********سعود الدهيمي********
[/poet]