ارتاح لا ناجيت ربي وصليت..

بسم الله ، وعلى الله الاتكال ,


السلام عليكم جميعاً ..


وتسيف احوالكم يالربع ؟ عساكم طيبين .


الاخ والاستاذ الشعري/سعود الدهيمي غني عن التعريف ، ,,

كثيراً مايسأل عن القصايد الغزليه ، ناهيك عن الطلب الرسمي الذي يتقدم به بين الفينه والاخرى


ومن علو مكانته عندي ، وحسب مايربطني معه من علاقه حميمه ، رأيت انه من الصعب الا يلبى طلبه الغالي رغم كل العقبات والظروف التي وقفت حايلاً دون تحقيق ذلك ,,,

لكم وله اضع هذه المشاركه التي ارجو لها رقة الذائقه ,,

.
.
.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشعر لامن جيت اسويه سويت=قافٍ صخرته يوم فكري صخرني
وليا تلافن الهجوس الخواتيت=عسرت قاف الشعر قبل يعسرني
وألا انحته وابْه اتحدى النواحيت=وصبرت لين الله علاهم نصرني
وأخذت من نبع القريحه وصفيت=واخترت صاف القيل والله ومرني
واللي بقا .. يبقى لراع الهتاهيت=وأنا على الهزلات مالله جبرني
من كثر ماجريت صوتي وغنيت=شهرت شعري فالطويل وشهرني
مانيب قايلها اتمدح يبالفيت=مار اعتبرت المستمع .. واعتبرني
ومن فضل ربي ما أخبر ألقيت لي بيت=على الحكيم الواعي الا شكرني
بس البلا لاقيل ماقيد حبيت؟=هذا السوال اللي حقيقه حشرني
إن قلت لا .. زليت بالحيل وأخطيت=ونسيت فضل اللي بعفوه سترني
ألاّ .. بلى حبّيت مره وهاويت=غروٍ سحرته فالغرام وسحرني
وليا طرا في كل الاوقات ونيت=تسنه على الضلع القصيّر سمرني
نمشي وغايتنا على كف عفريت=وعن كل خلق الله هواه احتكرني
ومن بيننا ثارت سوات الدناميت=خَرْبت علاقتنا بعد ماغدرني
ولا يعلم الخيره سوا حامي البيت=ياطيب حظي يوم خلي هجرني
خله يروح وعنه الأقدام سجيت=انسى المجنّب وأذكر اللي ذكرني
وعقبه ترا شعر الغزل منه مليت=وبلاش عذّبني غلاه وقهرني
والله لحاولت آصف الحب وأزريت=لكن ليتك ياسعود اتعذرني
ارتاح لاناجيت ربي وصليت=وَلاَ خضعت ألاّ لمنهو فطرني[/poem]