مشاعيب مدباس .... (5)

السلام عليكم ــ

عذرا ً للغياب




سداح يا سداح سداح سـداح
وشقلت لاقلنا نبا معك طاروق


مانيب قايل غير ياليل الأفراح
مرزوق يا مرزوق مرزوق مرزوق

( نقض وفتل بين مرزوق العطاوي وسداح )

* الشكوى لله .. انا من شفت محاوره لمحمد جارالله في المواهب قبل فتره وانا داري ان الدعوه خربت !





لقطه من الامسيه
ناصر الاحمري يقع ارضا بعد تدافع الجمهور لتحيته بعد ادهاشه الحضور
( خبر في الصحافه )


* ان ما خاب ظني انهم اثنين مشبهين يبون يسلمون و من الفرحه اغمى عليه !






الوقت اللي تحب تكتب فيه القصيده ؟
اي وقت .. مهب شرط الهدوء . أحيان بروحي واحيان بالسياره وأحيان يطري علي مبدا القصيده لو كنت حتى في عرس وازعاجه . اكتبه بمسودة التليفون ولا فرغت كملتها .
( سؤال لغالب .. واجابه لنوض )


* اييييه يا شيخه !! قولي كذا من زمان وانا اقول ليه لا قريت قصايدك طروا عليّ الطقاقات !






وانته رفيقي وغرّامي وابن عمّـي
( شطر لمبارك ابن عيننان )


* يالربع من واجه علي بن حمري هاليومين !






جزل ومتعلـم ولاهـوووب فاهـي
............... وعلى مماليـك الملاااقيـف باشـه
( تركي هاجد يمدح نفسه )


* اثرك ملقوف لا وباشة ملاقيف بعد .. ماشاء الله عليك الله لايضرك .. يالله ان شاء الله مع الوقت اتحقق امنيتك وتدخل الطب النفسي !






يفقد الكثير من شعراءنا المبدعين .. مصداقيتهم .. واحترامنا لتجربتهم عند الاشاده بقصائد مختله بالردود
( تصريح لنيّافه )


* من شاف ردك على تركي هاجد قبل فتره عرف مصداقيتك !








في هالزمان00ضاع الامان
حتى الصديق00تلقاه يغدر
تغفى الجروح
ويصحى الأمل
وان جيت اقوم00
ارجع
انكسر
( خاطره للجافل في الادب )


* يالربع .. تعوّذوا من ابليس اللي يضحك من الامور ذي يعاقبه ربي اتعظوا يمال الشحم !








قد أبكي على اي صدر التقيه .. دون معرفة صنفه .. فقد عندما يعطيني أو يمنحني
.. القليل .. سأمتطي هذياني ..
( مقطع من مسرحيه لاحمد هادي )


* هذا يا الربع ترجمته بالعامي : لله يا محسنين انا ضايع واكسر الخاطر وادوّر من يعطيني وجه !







(( وداعــا مرقابي ))
( توقيع لسراب )


* ما عليكم منها من كم شهر وتواقيعها وداعا ً .. حان وقت الرحيل .. ومدري وشو ؟ و متواجده اكثر من صاحب الموقع !




لو خذينا الوضع في نهب ومناهـب
............... كـان ضيعنـا البنـيّـه والغلـيّـم
يستر الله عن صهايب كل صاهـب
.............. دام باقـي حلـم فالقلـب الحلـيّـم
( بيتين لفهد القويعي )


* نهب .. مناهب .. صهايب .. صاهب .. حلم .. حليّم ... يا زقنك زقناه يا ذا الغليّم تذكرني بشاعر كبير يكتب باسم اخوه الصغير !







اسـأل عيون المرايـــا
ايش قالـت من ورايـــا
ليه انا عشتــك بدونــك
لمّــا تكتبنـي عيونـك .؟
( مقطع لـ لخلود البراري )


* عيون المرايا .. تكتبني عيونك .. عشتك بدونك .. لا حول ولا قوة الا بالله الاخت ودها تقول انا شفت عيونك بس من الصدمه ما اعرفت تعبّر !






مهلا..
يا ذاك البعيد مهلا
فأنا انسانة قد اتعبها المسير
لا اريد ان اسير ..!!
( خاطره لـ شوق فالادب )


* مهلا ً مهلا ً .. بابا قناة ( سبيس تون ) شعارها قناة شباب المستقبل مش شعراء المستقبل .. خففي منها الله يرضالي عليك !








الشعر اذا منه قصـر دون الابـداع
لاشـك نسيانـه لراعيـه راحــه
( بيت لمعيض العتيبي )


* عزالله صدقت يبو نوره .. واكبر دليل كل ما سألوك عن قصيدك قلت ناسي ! عط عمرك الراحه وانا اخوك !