يالايــــــمي ,,,,

للتواصل كما هي ,,,,
مع شديد الا عتذار لمن لم ترق له ,,,
ودمتم
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا لايمي من بعض لومك خلّنـي = انا على اللي مارجيـت الا رجـاه
ملّيت من عدّ الجـروح وملّنـي =وقتي ولكن ما رحمني مـن غثـاه
لي موعدٍ كنت احتريـه وزلّنـي =ابطيـت قـدامـه وخـلانـي وراه
ليته تجمّـل يـوم حـلّ وحلّنـي =ما كنت ابشكي معه من فقدي سواه
مالله كتب لي يـوم مـرّ يشلّنـي =وانا قبل يلفي عليّ احسـب خطـاه
روّح ولا أشّر لي (هناااااك) ودلّني =ولا سمع ونـه تبيـن لـه غـلاه
احتلّنـي غايـب وجـا واحتلّنـي = واقفى وهو محتلّني ويش السـّواه
واما انت ياغالي وراك تغلّني = بالبعد ياليت السفر حذفة حصاه
لاجيك متعنّي عساي لعلّني = واسوم منك الوصل واثّمن عطاه
واقول يا مبعد غيابك سلّني = اعط المريض دواه وادر انك دواه
اجمع مواجيعي بيدك وفلّني = واهجم علي اقرب حزن لي واشقر عصاه
ولو بغيت تغيب تكفا خلّني = في قلبك الطاهر على طول الحياه [/poem]