ورا ما يبرّ بصاحبه وآخر أحبابه؟

[poem=font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


من اسبوع وبيوت الشعر والهجوس ضياق=وانا بين حدسي واليقين أنشد الجابه
أمرّ السهر من ضيق خاطر و كسرة ساق=وأسولف على إبهام المجاريح وأشقابه
سماي الظلام وخيمتي و الهموم ارواق=و ثراي اليباس و قولة النار شبّابه
من اللي جرح قلب الغلا و العطا بفراق=و حن الوطن منـْه و بكى غيبة أصحابه
من اللي كسر غصن الشجر و أحرق الأوراق= و شب الطريق جروح من عود مثقابه ؟
سؤال و سؤال و سالفة مرسمة و أوراق= ظلام و ضجيج جروح و حروف مرتابه
زرعت البياض و سقت للغيمة البراق= و جنيته سراب و سود الايام حطّابه
عطايا القدر شبه انكسار و تعب و ارهاق= لَكَنّ الأمل رغم الشقا حيّ و ايجابه
على الله يجد المجتهد و الرجال أخلاق =على المجد في درب الشرف لين يسمابه
لو الريح في صدر الجبل عمرها ينساق=وقف قدمها صدر الجبل وقفة اعتابه
ولو إن التعب من صدّ الأحباب ما ينطاق = و أخاف أغلب أحلام المحبين كذّابه
لعين الغرام العف يا جملة العشّاق= مشاعر غلاي بزايد الحب منسابه
وإلى هبّ طيف املوّع الشعر و الخفّاق = اضمه على صدر الشقا و اتدفابه
لعله بعد ما شب كل الطريق أشواق= يحن القصائد لا بكت ليلة اغيابه
يلين و يبين و يجبر بخاطر المشتاق= على شان طيرن فوق الاغصان غنابه
قريته نهار و عالمٍ واسع الآفاق= و كتبلي ظلام و صاحبٍ ضاق في ثيابه
مدامه يبر بوالدينه و لا هو عاق=ورا ما يبر بصاحبه و آخر أحباااااااابه ؟


[/poem]