عبد الله بن عون .. ومزرعة مبارك !

هذه القصيدة .. للعلم عبدالله بن نايف بن عون .. وقد طلبها مني الاخ فارس العتيبي ..وابطيت وانا ابحث عنها علشانه لين جبتها من راس راعيها <-- واحد نشدك
المهم وطلبها الاخ مطلق الهاجري بعد .. وهذه هي كما اوردها صاحبها لي :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ورطنا ورطةٍ ماتنتدارك = بمزرعةٍ عساها ماتبارك
نفود ٍمن ورى وادي الدواسر = ذكرها طيب الذمه مبارك
ذكرها واحسب انه ناصح ٍ لي = يقول اشتر وانا وانت نتشارك
عرض لي فكرةٍ معها خديعه =وقال العلم يرجع لاختيارك
وتوكلنا على الله في رجا الله =وانا سلمت ومبارك تدارك
ثلاث سنين ماجاني حصيله =وهو عن جيتي قام يتوارك
وتباطيته ودورته وجيته = وقلت انته وراك ابطت خبارك
واجاب بقول مزرعةٍ كليفه = بعيده عن وطنك وعن ديارك
وانا بعطيك راي ٍ لا يفوتك =براس المال بعها مستشارك
وقلت الله يبارك لك ولكن = تراني يامبارك فانتظارك
ولا ابي من مالك الاراس مالي =وعساها يامبارك لك تبارك
وثلاث سنين مع درب الاوايل =وانا ويا مبارك في معارك
ليا مني نصيته مالقيته = الا لاعادك الله من مشارك
اجي داره واوقف عند جاره = واقول لجار داره وين جارك
ويجيب بقولة الجيران واجد = بلا تفنيد خلك في مسارك
واقول اقصد قصيرك طير شلوى =مبارك قال منه احفظ زرارك
ترى عملتك للمشفوح مثله =تقلل من مقامك واعتبارك
كذوب يواعد العالم ويخلف =عرفت العلم قلت اربط ....![/poem]