يـادنيــا من أنتـي لــه

تحيه طيبه للجميع
وكل عام وانتم بخير
قصيده متواضعه اتمنى ان تنال الرضى




[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
‘‘ ‘‘ ‘‘ ‘‘ ‘‘


أراعي دواليب الفَلك والفَلـك دوّار=مثل من يراعي لايح البـرق ويخيلـه
ما غير ايتحرى للطراقـي وللخطّـار=قد اشتد فوق ابله وسفّـط معاميلـه
أوجّه عربسات الطواري على الأفكار=لاجل تستهيض هجوس قلبي وتصفيله
على موجةٍ بالصدر كنها على الأقمـار=وأتابع على شاشـات قلبـي تماثيلـه
وأترجم نتايجها على لهجـة الشعـار=وأصوغ البيوت وكل بيتٍ بتحليلـه
على شان تبقى طول عمري معي تذكار=قصيده ومطلعها (يادنيا من انتي لـه)
قصيدة غشيمٍ صار له في الزمان أدوار=تعلّم مـن دروس الزمـان وغرابيلـه
أشكّل تقاسيم الليالي بـدون أوتـار=واغنّي طواريـق الزمـان ومواويلـه
زمان لا عز جدار عوّد وهـد جـدار=والى زان ليله زاد سـوّه ميـة ليلـه
تقول أن من بيني وبينه مـن أول ثـار=على غير ماقلبي يبـي مسـرجٍ خيلـه
تقويت فنجال العناء والهمـوم بهـار=يوم ان الهناء كـل تقهـوى فناجيلـه
وإلى جيت أدوّر للسعاده مع الأمـرار=لقيت السعـاده بيـن لفّـه وتحويلـه
أشوف الغبن طول الليالي وأنا صبّـار=وأقول احتمال انّـه يغيّـر دواليلـه
زمان لا زاد إصرار زدنا عزم وإصرار=لو ان الزمن ماهوب يجهـل رجاجيلـه
لا صار الرجل عزم وروابع وفعل وكار=وكفٍ تحـط بميلـة الوقـت تعديلـه
ما همّه ما جاه من الزمن زان والا بـار=وماصعّبه وقتـه علـى الله تسهيلـه
لكنّ الزمن قام يحداني مثل مـا صـار=يالين الرشـا ماعـاد دارت محاحيلـه
زمان جعل بيني وبين الوليـف ستـار=ولافي يدي حيله ولافـي يـده حيلـه
صغيرٍ مكانه في الحشا ما عليـه غبـار=خفوقي تحت حكمه وقلبـي مداهيلـه
أراعيه لو إنّـه بعيـدٍ عـن الأنظـار=واحسّب سنينـه واتحـرّاه وادعيلـه
ولَعته مثل طيرٍ تولّـع بـه الصقّـار=يشيله على كفّـه ولاهـو بيمهيلـه
على أول هداده ما بعد فاخت الميكار=لامنه اطلقه واستبعـده قـام يوميلـه
هويته زمان فات عاد الكبـار صغـار=قبل مايغصبونه هله يلبـس الشيلـه
على شانه أخذ لفّتين علـى الفكسـار=أعرّض على بيتـه وقلبـي وعينيلـه
ولو كان أهله ما نعينه مـن المظهـار=لكن شوف بيته يجلـي الهـم ويزيلـه
حرامٍ لو إن ما هو بخيرة حمـام الـدار=ماتطرحني سلوك الهوى فـي محابيلـه


‘‘ ‘‘ ‘‘ ‘‘ ‘‘



وســـلامتكم
[/poem]