مجاراه لقصيدة الشاعر (عكاش بن غزاي)

[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
[ياشاعرٍ حرك من الحانه أشواق =كل المعاني من معانيه خجله
بينه وبين جزال الامثال ميثاق= ينهج مناهجها وهي تنتهج له
ولاهوب عن جزل التماثيل منعاق =يرقى لقمة مستواها برجله
ويجمع من أعماق البحر حص وأرناق = وحوريته حب ودلال تغنج له
تشتاق له وهو لها حيل يشتاق=شعور صادق ماخلط معه دجله
يذكر معانٍ سهرت منه الامواق= هومنزعج منها وأنا منزعج له
وحرك كوامن خافقٍ دوم خفاق =خصٍ ليامنه سمع منه زجله
قلبٍ لحلوات التماثيل ذواق= مايرتضي عن حالي الكرم فجله
لولاه يسممع له صدى بعض الابواق= اللي تسم الحال وتقصر أجله
مستشعرين أشعارهم طاق طرباق=يحرج بها غيره وسبب حرج له
وناسٍ تحط الشعرمصدر للارزاق=سد الخفا بيعٍ بليا حجج له
وناسٍ تنومس به وسيعين الاشداق= وهومنه لا (بو) ولاهوب (نجله)
ياجعل مايبقى لهم في البلد باق= واللي بقي جعل العمى والصنج له
وأسلم يابو غزاي وأسلوبك الراق= يرقا بنا في مستوىً لا درج له
مثايلٍ تشرق على أرواحنا إشراق=وتسعد نفوسٍ من شقى الوقت وجله
[/poet]

الاخ /عكاش بن غزاي

الاخوه الاعزاء / كانت المجاراه بعد مروري على القصيده مرورا سريعا ولم تتح لي الفرصه بأخذ نسخه لذللك أعتذر عن تكرار بعض القوافي



أخوكم /عبدالله العتيبي (البـــــــــــــــــــادي)