( شجن قصيد وسكر بيوت ) !

السلام عليكم
من جدول ( منذو مبطي )


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يطول صبر المحب وطول مشواره=يارغبةٍ عن جميع الناس مكبوته
طوارئ الشوق والغاره ورى الغاره=ضرباتها فالضلوع وقلبي النوته
ياليل ذكراك ياهي توجع افكاره=تقتاتني للوله .. واسهر على قوته
افتح مسارح خفوقي واغلق استاره=في غربة الليل يوم اطاول أسكوته
عليك ياللي يمين القلب ويساره=ذكراك فالقلب مثبوته ومنحوته
يامترف الحسن نفسي منك منهاره=يا عذب شجون القصيد .. وسكّر ابيوته
وش عاد باقى وعمري تكبر اعذاره=الوقت مجهول والموته هي الموته
ياعاصمة نبض شعري وآخر ادياره=وش كان لبنان يعني دون بيروته
مليت من قصة الايام دوّاره=أخاف اطارد سرابٍ فايتٍ فوته
وينك ووين الغرام وين مقداره=شف كل الاوراق من فرقاك محتوته[/poem]