قـوس الـربابه!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للمطر عدّة مواسم والخطر ماله مواسم = فالمطر يامرحبا به والخطر لازم يجابه
دك ياهاجوس بالي فأشهد إن الوضع حاسم = قصقص أصحاب الرقابه وبمقصات الرقابه
المطلسم فك لحيه قبل تفكيك الطـلاسم = بين وجهه والطلاسم ألف وجهٍ للتشـابه
القصايد في فواصل والتسالي وسط باسم = أستريحـو ياخناذف وإستـريحي ياشبـابه
البلد ماكل من زاره يســـوّى له مراسم = لو تحــزّم بالذريع ولو على راسـه عصابه
المطوّع والهويدي يحملـون الاسـم جاسم = للهويدي كورته واما المطـوع له كتابه
تندمل بعض الجروح من المراهم والبلاسم = والبلا لو زوّد البلسم على الجرح التهابه
مايداوي الجرح والعله سوى حمـر المياسم = والله ان الكي ساس الدكتره واصل الطبابه
يِنـْحت اسمٍ في صفا واسمٍ بيكتب بالمـراسم = كل بابٍ له جواب وكل رجمٍ له ذيابه
أندمج سوق الذهب مع حراجات أبن قاسـم = ولو يغيب اليوم واحد عنه سبـعه بالنيـابه
من هم اللي خدته موسومةٍ من كـف واسم = وأجتمع في خدتـه وسـم الطوارف والقرابه
القضيه في الرسوم وكل رسمٍ وإلْه راسم = واحد ٍ يملى الثيـاب وواحدٍ لطـّخ ثيـابه
قبل تمديد السـلوك وقبل توزيع المقـاسم = المباني صِنـّـفت والقصر فرْق عْن الخرابه
والقلوب السود ماتشفـع لها حمـْر المباسم = جابةٍ وحده ولا به غيرها ذا اليوم جابه
من نشدني عن سببها قلت هرجٍ له مواسم = بس لا ينشــد مهلــّي وش كسر قوس الربابه![/poem]