الحبل والغلمان

[poet font="Simplified Arabic,4,blue,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
الا باسم الله الرحمن ثم باسـم الله الرحمن =على نـاس ٍ تجيك افعالها عكـسٍ لأساميها
تمدّ إلها اليمين محمّله بالطيب والاحسـان =وتمـدّ إلك اليسار وتدمي متونك شباريها
وعلى حسب اعتقادي ما تجي نارٍ بلا دخان =ولا يشـعر بحـرْ الحـاميات الاّ مصاليها
واذا كان الوفا طبع ٍ يميز به رفيع الشان =تـرى الجحدان ميزة مفلس الدنيا وواطيها
واذا به للقبيلة روس فيه لروسها كرعان =ومثل مـا فيه نـاس تعزّها به من يوطّيها
واذا كان الزمان أقسى على المبلى من الصّوان =تـرى به ناس تاطي خشم دنياها برجليها
واذا كان الذهب يعرض بسوقه بارخص الاثمان =تبخـتر يالتنك في عنقها وارقـص بأياديها
واذا كان الغشيم يحب لعب الحبل والغلمان =يجي يوم ٍ يطـيح ويلعـن الدنيا بمـا فيها
وترى ما ينفع الرجال في دنياه كان وكان =اذا مـا برهـنت يمناه مـا تمدح بماضيها
وترى بعض السوالف تجرف الانسان للنقصان =اذا مـا يحسب حساب المضامي لا يسرّيها
علوم ٍ من فلان يمشّها في جنب ابن علاّن =مصـيبه مـن يقـول العهده تعّود لـراويها
واذا كان السكارى تدفع الشرهه على السكران =مثل عـوراً تهـوم الدرب في عـمياً تقدّيها
يضيع الدرب والعميا وشرهتها على العميان =ويضيعون السـكـارى بين بايعها وشاريها
ومثل ما فيه للمنقود ملفي للحمول حصـان =يـشيل الحمل وعزومه ظلام الليل تضويـها
ثمان خصال يجمعها الكريم الباسق كحيلان =تمـيز به ويزهـاهـا وتوفـيلـه ويـوفيها
يبـادل مدّه المعروف بالمعروف والعرفان =واذا كـالـت يمينه كـيلته لابـد يـوفـيها
كثير إحسان .. راعي تّم ..مبعدهّم .. حلو لسان =لـو إنه يسمع العوجا يصد وقال ما أوحيها
الا غير الوفا والله ما أصعب يـالوفـا النكـران =يولـّع نار شـريان القـلوب ولا يطـفّيها
تفضل يـا قليل العرف هـذى سـاحه الميدان =أمـام النـاس فـالميدان قـاصيها ودانيها
وترى عيب ٍ على إن ما جمعت الشاردات سمان =أجمعـّها من أفكـاري وأهندسـها وأصفيها
وأخـلي سـاحه المـيدان تطـربلي ياليلا دان =وأروى بـالنظـر لعـيونها وأشنـّف إذنيها
يقولون العرب في سالفه من سالف الازمان =اذا مـا كـنت فأولـها تـرفّع عـن تواليها
خيول ٍ مسرجه من نار والميدان يحميدان =واذا بغـيت تشـعبها تثبّـت مـن مـرابيها
واذا كانك تبي علمي تسمّع موجز الاعلان =خـذ الأولـى نصيحه وانتبه لا عـاد نثنيها
نصيحه قبل لا يرقص على تابوتك الشيطان =نصيحه جنب الميدان واعط القـوس بـاريها
هنا عندي شموخي يا ولد نبراس مهما كان =وأنـا مـا هـمني لو كـان حاميها حراميها


[/poet]