فدالها سكان كل المدينه

السلام عليكم ورحمة الله وبركاته



[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ماكن صار ولا حصل بيننا شيّ=العام انا وياه واليوم وينه
زالت علقتنا كما زايل الفيّ=وزال الفرح والهم زادت سنينه
ان كانت الدنيا ذا فعلها فيّ=بصبر على دنيا العنا والغبينه
دنياً طوتني في سرابيلها طيّ=وانا بخير ومير عيني حزينه
راحت عسى يفدا ثراها مية حيّ=وفدالها سكان كل المدينه
غرنوقةٍ تأمر عليّه وتنهيّ=غرنوقةٍ مثل الجواهر ثمينه
غرنوقةٍ لوهي على الناس تبديّ=خفت لها كل العقول الرزينه
مامثلها من شيّ مازيها زيّ=ولافيه زيٍ تلبسه ما تزينه
ياعين من له عين فيها بحر غيّ=وياجسم من له جسم نحله ولينه
ياكيف ابنسى نظرتك لا ضحكتيّ=وحجاجك اللي بالزعل تنفضينه
وياكيف ابنسى ضمتك وسط حظنيّ=لباّ نسمك اللي علي تنسمينه
بعد الذي قلته تروحين عنيّ=مدري قدر ولاّ بعد تقصدينه
ان كان قصدك ليه بالله قوليّ=ماجاك من يمي سبب تكرهينه
في ذمتي ذمه وذمت خواليّ=والربع والجيران ذمه متينه
يشهد عليها الله وحلفي ودينيّ=حلفٍ صحيح وصدق والله ضمينه
اني هويتك يوم جيتي ورحتيّ=وكل الغلا لك بالحشى حافظينه
ناسخ لما قبلك وللجاي باقيّ=غلا شربه القلب ثم راح طينه
تسوين نور العين يومك حظرتيّ=وتسوين روحٍ معك راحت رهينه
درب الهوى من بعدك اقول له ديّ=الدرب باسمك عندنا خاتمينه
بنهي على يدّك السنين المواضيّ=وغير الصفحه ودرب السفينه
وبحاول انسى كل ما قد حدث ليّ=وبسألك عن حاجه بنفسي دفينه
لو نلتقي في يوم بالله يا ميّ=تحيين حبٍ فات او تقتلينه[/poem]


ســـعود



دمتم سالمين

.