محاوره بين نحيف ودب

النحيف: وينك فيه يا سمعت انك متنكر وموقف في الشارع والعالم يدورن حواليك يحسبونك
دوار هههههه


الدب : لا يا جنط انا اللي سمعت انك متنكر وخاش مكتبه وقاعد على اساس انك قلم رصاص


النحيف : يا رجال كل تراب والله لو تصبغ جوانبك اسود وظهرك اصفر صرت كنك حراثه هههه

الدب : الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب ) هههه

النحيف: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي ههههه

الدب : قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعهx قال مايحتاج وخذك وحطك على لمبة المكتب وشاف وش اللي فيك


النحيف : يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك


الدب : ايه ولين ركبت جنبي قمت اعشق فيك احسبك القير من نحفك ههههه


النحيف : أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص هههههه


الدب: اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير


النحيف : تدري كل ماشفتك ياالنفيخه تذكرت رجال كفرات ميشلان اللي في الدعايه كع كع كع كع كع

الدب : تصدق بالله لو تمر من جنب جيب الدوريات أنك تشوش على جهازهم ههه


النحيف :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا ههههههه


الدب : ماشفت نفسك وانت واقف ترى رجليك ساق بدون ركبه


النحيف :اقول سمعت ان اهلك يروشونك في الحوش بمكانس من كبرك


الدب : انا سامع انك تتروش في المغسله


النحيف : انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى


الدب : انا سمعت انهم صوروك 4 في 6 طلعت كلك


النحيف : انا سمعت انك اذا بغيت تركض تنسدح وتتدربا على جنبك ... أسرع لك هههه


الدب : اقول رح بس وراك انت ووجهك كنه مكان بريك سيكل ههههههه


النحيف :هههه ضحكتني انت وخدودك كنها دف طقاقه .


الدب : اقول شف شكلك كنك ريال بيد بزر .


النحيف : اقول شف خشمك كن متعلق به عيل هههههه


الدب : لا من زين خشمك كنه أصبع عيل هههه


النحيف : اقول قم بس قم انت وشكلك كنك وايت مياه غير صالحه للشرب .


الدب : ههه ضحكتن انت وشكلك كنك فأر طايح ببالوعه .


النحيف : شف سنونك كنها طلاب ثالثه جيم واقفين عند مقصف .


الدب : عاد من زين سنونك كنها ضغاطات مسجل صناعه صينيه

منقووووووووول