لــ عيون سلطانـه

نستنزف الحب لـ جل عيون سلطانه
..........وليا تعبنا تذكرنا حــ كاوينا

الورده اللي قبل بالحب رويانه
..........ماعاد تغري مراتعها خطاوينا

من يوم وصل الهوى حدّه وطغيانه
..........تاهة على موجة الرغبه -أمانينا

وقتٍ مظالي نسيت أسمه وعنوانه
..........لقيت شيٍ عن الماضي يسلينا

انــ كانك البارحه يابنت سهرانه
..........ياما سهرنا على هامش ليالينا

راحة سنه بين شح الطيش وأحسانه
..........حلاوة الروح... تبعدنا وتدنينا

كنتي لي العشق في وصله وهجرانه
..........احلى المواعيد في عتمة مسارينا

الموعد اللي يخج القلب رهبانه
..........على خطاويك بين الشط والمينا

أجيك عـ جلان وتروحين عجلانه
..........دقايق الخوف بالرهبه أ تغذينا

يحمر وجه الخجل وأقول خجلانه
..........أقصى حدودي نعانق بعض بيدينا

كن المشاعر على ماقيل سكرانه
..........في لحظة الشوق فـ اللهفه تعزينا


[align=center]اخواني وأ خواتي

بعد الغياب القسري..أهديكم هذه المتواضعه لعلها تشفع لي من عتابكم

أتمنى ان تلقى القبول..اخوكم[/align]