مجرم وسفّــــاح ....

اخواني اعضاء وزوار المرقاب
اسعد الله اوقاتكم بكل خير
التمس منكم العذر على الغياب الماضي لضروف العمل ولي مروري بضرف صحي
وارجو ان ما اقدمه ينال اعجابكم واستحسانكم
[/poet][poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
روحي مراح معانق الريح لا راح = ماني على مثلك كثير الحسافه
بالعكس انا من ساعة الهجر مرتاح = فرقاك عيد وكل عرفك كلافه
وازنت ما بين الخساير والارباح = وصفيت ما صفّاه قلبي وشافه
خلاص حبّك من مقام الغلا طاح = هذا خبر قلبي وهذا اعترافه
انا قطفت الورد يوم الشذى فاح = والورد ماله دور بعد اقتطافه
واليوم بيت الورد بيتٍ للاشباح = ماتت عروق الورد واقبل جفافه
لقيت بالبستان عشرين فلاّح = عشره على بابه وعشره خلافه
واثماره العذبات مخزونها باح = وصورلي الواقع عليه اختلافه
بالامس له عندي مواثيق وانصاح = واليوم عندي صار مثل الخرافه
يرثيه طيرٍ مع مهب الهوى ناح = طير الغراب وطاير الورق عافه
لفه سواد الليل يوم الطرب راح = واليوم من مافيه يوحش مشافه
عنه الدجا لو تطلع الشمس ما انزاح = الحزن بارضه والمصايب لحافه
بعيون غيري فيه جوزه وتفاح = وإلاّ بعيني يوم حزن ومخافه
بحرٍ تلاطم وعرجت منه الارواح = حبٍ خذاه الموت ليلة زفافه
كم قلت لك في ماه منته بسبّاح = لكن جهلت ولاعرفت المسافه
واليوم انا فيك انت مجرم وسفّاح = وكل افتن تطلع على ضلمها افه
ماني وانا عايض للاسرار فضاح = واهل اللقافه مالها الا اللقافه
هذا مصيرك وانتها عصر الاصلاح = جيتي خرافه وانتهيتي خرافه


سلامتكم
[/poet]