موجة تطــوّر ..

السلام عليكم ..

خاطره متواضعه ،



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا صبح نورك عليه إثبات=شمسك على الكون شعـّاله
.
والليل لو يستر الغرات=يبدي من اسراره لحاله
.
البارحه والهجوس أفوات=مابين رجلي وخياله
.
شالن في صدري ثلاث اصوات=ونوم العوافي برن حاله
.
عقلت قلبي عن السجات=وعوّدت أسريّه بعقاله
.
وروابعه عقب راحت جات=تحط حمله وتشتاله
.
وأمسيت أجرّ النسم بسكات=وكبرت على القاله القاله
.
يا طول صبري على الميلات=وقت العنا فاض مكياله
.
حنا في وقت ٍ من الاوقات=يضفي على الخلق سلاله
.
زادت دشوش الفضائيات=وانا الفضا مالي وماله
.
جاء مع عرب سات .. نايل سات=يرسل وزانه ويبراله
.
موجة تطور على الشاشات=ريموتها يكبس الآله
.
والمجد من بدها بالذات = يا جعل ما يقطع ارساله
.
ما تعرض ألا ّ عبر وآيات=وصلّوا على محمد وآله
.
والسلـّه الباقيه هيهات=ماهيب لله وإنـّا له
.
قمصان نوم وعلوم وشات=بث ٍ فال الله ولا فاله
.
ارسل سلامك وهاك وهات=وكلٍ محضّر بجواله
.
عسل وصل والحنونه جات=دجال يضحك لدجاله
.
ناس ٍ بلاها حياها مات=شباب الاسلام يرثاله
.
الفن مع كاشف العورات=يصلح لشرواه وامثاله
.
يا الله لاتقطع الهقوات=وتبلّغ العود فـ عياله[/poem]


وسلمتوا ،