ســجــة قــــدم

[align=center]بسم الله الرحمن الرحيم
السلام عليكم ورحمة الله وبركاته
.[/align]
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سجـة قــدم
رب الملا جالِ البلا فارج الضيق= اغفر لنـا يـارب ماكـان منّـا
واجعل لنا عونٍ بعونـك وتوفيـق= وحضٍ على العليا خيامـه تبنّـا
في غير بابك ما اتلفت ولا اويـق= ونوًّ نصوبـه مقفيـه مـا شحنّـا
ليا استعانوا قوم مرزوق برزيـق= حنـا بـرب العالميـن استعنّـا
الرزق لو هو في يدين المخاليـق= تناوشـوا بابـه وصكـوه عنّـا
إلا قليل من الرجـال المطاليـق= وعَيّا ضعنهـم لا يوافـق ضعنّـا
لم النصيـب بخاينيـن المواثيـق= اصحاب من جت له على ما تمنّا
كم واحدٍ يبـي الفخـر بالتلافيـق= ينهب ويسرق صاحبـه ويتجنّـا
أخير من جمعٍ لرؤيـاه ماطيـق= سجة قدم ترجـع بقلـب المعنّـا
بارضٍ غصون النبت فيها مواريق= فيها أم صالح من طربهـا تثنّـا
تلعب طرب بين الزهر والزماليق= وليا سمعها ضايق الصـدر غنّـا
جر اللحون بحاليـات الطواريـق= وحفر لناره ونحـرف مـا تونّـا
جاب الدلال الصفر والها ملاحيق= من غير عود وهيلٍ اخضر وبنّـا
كنّ الخشب فالنار قدم الأباريـق= قوايـم الهـرش الكبيـر المثنّـا
جَرّ الدلال متعبـات العشاشيـق= ونزل شماغـه وإتكـا وارجهنّـا
جال الغدير اللي من المزن ماذيق= عليـه اثـارٍ للقطـا يدرجـنّـا
كنّ الشجر وسطه طيورٍ مدانيـق= ما يظهر إلا فرعـة اغصانهنّـا
كنّ الخدود اليا كستها الرقاريـق= كف الهنـوف منقـشٍ لـه بحنّـا
عطر الزهر راحه ونشوه وتشويق= ما جيب من باريـس ولاّ فيينّـا
حَدّ السهل من نايفات الشواهيـق= تفـردت مـن كـل لـونٍ بفنّـا
تبدي بها اسرار الصدور المغاليق= وتبعد كدر ما صابنا فـي زمنّـا
أحداث تاردنا جمـوع وتفاريـق= من زارته في مرقـده مـا تهنّـا
ولانا على الدنيا الدنيـه مشافيـق= وخوينا مـن مـا جمعنـا كفنّـا
:
محمد السميري [/poem]

تـــقـــبـــلـــوا تــحـــيـــاتــــي