قلوب احبابي : اعدايه...

السلام عليكم ورحمة الله وبركاته


اليكم اعزائي هذه المشاركة واتمنى ان تنال رضاكم..











[poet font="Simplified Arabic,5,crimson,normal,normal" bkcolor="transparent" bkimage="backgrounds/8.gif" border="none,4,white" type=0 line=200% align=center use=ex length=0 char="" num="0,black" filter=""]
يالدرب والله ولابك شـي يغرينـي=وشلون ابمشيـك لايمّـه ولاغايـه

ان جيت اسوق الخطا تاهت عناويني=مادام مالي هدف وشهيلـه خْطايـه؟

انا جمعت القلوب وضاعت سنينـي=واليوم صارت قلوب احبابي: اعدايه

صحيح عمر النـدم ماكبّـل يدينـي=ولاقلت للمقفيه لاروّحـت : جايـه

مادام اعيش الرضا مابينـي وبينـي=ابكيفها الناس..انا يكفينـي رْضايـه

والشرهه اللي لقبر الـذل تدعينـي=يموت راسي ولاضيّعـت دعوايـه

مافيه شـيٍ علـى الدنيـا يخلينـي=اخضع لغيـر الله المعبـود مولايـه

والشعر لولاي احبه كـان يمدينـي=صكّيت بابي على حرفـي ومعنايـه

ابكتبه والحياه تضيـق فـي عينـي=وابكتبه والفضا فـي راحـة يدايـه

ولاّ الدروب اعترف ماعاد تغرينـي=من يوم صارت بلا يمّـه ولا غايـه
[/poet]