...ما خُلق مثل جابر....لماذا؟؟...

أسعد الله أوقاتكم بالخير جميعاً ؛ قرأت هذه القصيدة للشاعر الرائع سالم بن جخير:

يقول من عـدا الجبـال المنيفـه
عدا وحزنه داخل الصـدر ثابـر

يجر صوتـه مانـوى بالنكيفـه
ويحاول يكابـر وعيـا يكابـر

والحزن ماكن والنواظـر كفيفـه
والقلب صابر غير ماهوب صابر

لان الحزن ماهو بكيفـي وكيفـه
وماكل حزن يجيك ويمر عابـر

الكسر يجبر يالضلـوع النحيفـه
لكن مال الحزن فالصدر جابـر

وانا وقلبي والسيـوف الرهيفـه
وبيوت شعري والورق والمحابر

ودموع عيني والرياض المريفـه
والعز والوقفه وصوت المنابـر

صار الحزن من بيننا بالنصيفـه
على فراق اغلا الشيوخ الاكابـر

اشجع شيوخ الارض لاسل سيفه
واطول شبور الخلق لاجا يشابـر

واحن من قلب الوليـف لوليفـه
وازكى وارق امن الزهر والعنابر

اثبت لنـا ان التواضـع حليفـه
وان الرجال اهل المواقف مخابر

ابو الكرم وابو النوايـا النظيفـه
ماشح يوم ان الزمن صار غابـر

شال الحمول الكايـده والخفيفـه
وثابر وصار الشعب كله يثابـر

حتى تجاوزنا الظروف الكليفـه
ولا بقـى فالـدار للشـك دابـر

عليه كل عيـون شعبـه ذريفـه
ويبقى الحزن ثابت وماكن وكابر

لو القبر يدري بمقـدار ضيفـه
ماشفت خلق الله سوى فالمقابـر

ودي اصـرح والنوايـا شريفـه
وانا الى صرحت عارف وخابر

والنعم ببن سعود وابـن خليفـه
لكن جابر ماخلـق مثـل جابـر
.
.
.
واختلفت مع بعض الشعراء حول هذا البيت :

والنعم ببن سعود وابـن خليفـه
لكن جابر ماخلـق مثـل جابـر

وبالتحديد (ماخلق مثل جابر)...

أنا أرى أن بها تجاوز ديني صريح ؛ فقول الشاعر ماخلق مثل جابر فيه تعدي واضح على قدر الرسل والأنبياء والملائكة أيضاً في الخِلقة والخُلق ؛ فكلهم من خلق الله...
وعلى إعتبار أن (ما) أداة حصر ... فالشاعر هنا قد حصر أفضلية الخلق على جابر...رحمه الله

أراؤكم .!!