مرسال العلوم الطريفه

[poem=font="Simplified Arabic,6,black,bold,normal" bkcolor="transparent" bkimage="backgrounds/8.gif" border="none,8,gray" type=1 line=1 align=center use=ex num="0,black"]
قم سو مما يقعد الـراس فنجال = وكثر له اللي يردعونه بليفه
يجلا وهج قلبٍ عليه الدهر مـال = ويزول عن بالي حمـولٍ كليفـه
ويجيد حبك وسبك جزلات الأمثال = شردٍ لفنه عقـب ماطـاب كيفـه
مامنهن اللي وادبة قيـد وعقـال = ولامنهن اللي طوعوهـا عسيفـه
لاكنهن طاعن بعد ليـل وجفـال = وكلٍ تقول انا على البـال ضيفـه
وأخذت لين أن الغلا يمهـن مـال = وأرسلت مرسال العلوم الطريفـه
ورحب بهن و أستقبل الكل فالحال = وحطيتهن مثل العيـون الشريفـه
ورتبتهن ترتيـب باقـي ولازال = مناسبٍ لأهـل العقـول النظيفـه
و خليتها تطلع على روس الاقذال = وأبعدتها عن كل شكـه وخيفـه
وحطيت جزل القول للفكر مدهـال = يليق بالنفـس العزيـز العفيفـه
اللي لها عال المراقيـب منـزال = أطلع بها في العاليـات المنيفـه
عودتهاتطلع على راس ماطـال = مرضى عليها جلسـةٍ فالنصيفـه
والوقت مايرحم وفيه المثل قـال = مثل السيوف القاطعات الرهيفـه
أما تجمل وأقطع أمواج وأهـوال = ولا أترك المركب على جال سيفه
وأعرف خروجك قبل تنوي بمدخال = تغلق مجال أهل النفوس الضعيفه
اللي مابين النـاس للهرج نقـال = ونفسه على هفوات غيره وليفـه
للخير مايقـدر ولشـر محتـال = يسبق هذيب ملافحـات السفيفـه
خطوا منافـق هيلمانـي ودجـال = هـذار يمحـل بالديـار المريفـه
عليـك باللـي للشرابيـك حـلال = أمـا زعيـم القـوم ولا وصيفـه
يشفيك لن ناديـت نقـاض فتـال = وصعب الحمول تصير عنده خفيفه
ودايم حجاجه طلق لو الزمن طـال = ماغيـره جـور الليـال العنيفـه
تارد معه بحبال جـزلات وطـوال = أمـا علـى يمنـاه والا رديـفـه
ويصير لك في منزل العم والخـال = وتصير له درعه ورمحه وسيفـه[/poem]