المجلس

[POEM="font="Simplified Arabic,4,black,bold,normal" bkcolor="transparent" bkimage="./images/backgrounds/19.gif" border="double,3,gray" type=0 line=1 align=center use=ex num="0,black""]
المجلس اللي فيه واشي وبلاس = أبعد عنه مالك بخيره وشره

تجنبه لاصار وكرٍ للأنجاس = وشعاد لو أنه قريب مقره

النذل ماله مع هل الطيب مجلاس = وماله من التقدير مثقال ذره

لو زان لك في بعض الأحوال ينحاس = الخيرمافكر يسويه مره

متقلبٍ يمشي على كل الأجناس = ومشاكل العالم تزيده مسره

يركض بشين العلم معدوم الإحساس = وإن كان علمٍ زين بالقلب صره

للخير مايقدر ولشر مقباس = من خبث نفسه للمشاكل تجره

ويلبس العالم هناديم الادناس = بالكذب في عيون المخاليق ذره

وإن شفت شكله قلت من خيرة الناس = وليا هرج لك قلت لله دره

كنه مع أهل الجود قدوه ونبراس = ينصحك وحيان عليك يتشره

وليا وضحلك قال أنا أسمع من الناس = ومالي ومال الوقت حلوه ومره

هذا اللذي حقه بالأقدام ينداس = ويضيق فيه الكون بحره وبره
[/POEM]