(( مـشعـان الـــبـراق ))

السلام عليكم ورحمة اللــه وبركاته..

أسعد الله أوقات الجميع بكل خير ومحبه ..
قصيده مرسلها الى أخي وزميلي الشاعر المبدع/مشعان البراق العتيبي



[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحـه مامسيت كنّي على نار"="أمن الولــه بقول حان المماتي

أسامر أنجوم الليالي بالأفكار"="وأعد ساعات اللقا المقبلاتي

ياما سريت أمرار وأمرار وأمرار"="وأقول يادنياي ودي وهاتي

في صفحـة التفكـير غنيت الأشعار"="من هاجـسي وأعظم بيوتي وأهاتي

مشـعان أنا ياخوك ضايق ومحتار"="خطر ٍ عليّ أموت وأفقد حياتي

أمشي مع العالم وألين الزمن جار"="ثم بينت عندي جميع الجهاتي

كني وحيد الدار في وسط ذا الدار"="مشــغول في همي وأفكر وأحاتي

أسـرح على مشوار وأضوي بمشوار"="ياعزتـي للـي سواتـه سواتـي

تلعبّي الأفكار بيمين ويسار"="وأقـول ياربي عليك الثباتي

مغير أنا والهم والوقت دوار"="هم ٍ يروح أمرار وأمرار ياتي

ياوجد حالـي وجد من طاح فالغار"="أمصوب ٍ ولا لقاله نجاتي

على وليف ٍ تل قلـبي بالأنظار"="نظرات عينه تضهر الخافياتي

كله على بعضه تقل ..ورد وأزهار"="يعني على ماقيل ..سكر نباتي

القلب ممحل بس وده بالأمطار"="برق الحيا في عيونه الناعساتي

أشلون أوصف ويش أخلي وش أختار!!"="زينه يزيّن كل شي أبحياتي

مدام خلاني وأنا صرت منهار"="مالي جدى ياكود عظ الشفاتي

هذا كلامي جاك مافيه معذار"="الله يجيب الخير فالمقبلاتي[/POEM]
وسلامتــكم