هذي الحقيقه

مساكم الله بالخير ..
هذي قصيده لها موقف واتمنى انكم تتقبلونها بموقفها









[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لاتحسبني لياصدَيت من ذلّه = نذرٍ على رقبتي ان الذل ماجاني
لكن علاشان غيرك بدمح الزلّه = واصدّ عنّك لعين فلان وفلاني
ثنتين خليتها لك جعلك الخلّه = مرّن علاشانه ومرّن علاشاني
انّي ولد من يعقد الحبل ويحلّه = ويحسب حسابه من القاصين والداني
عودٍ لياكبرت القالات جا كلّه = يقبل على جمعة العِيّال وحداني
وجدّاني الكل منهم زاينٍ دلّه = جدّي من ابوي ولاّ جدي الثاني
كرمان شجعان كلّن منهم جبلّه = لاقيرن اسمه مع فلان الفلنتاني
من لابةٍ لو عددهم فالكثر قلّه = من بين سبع القبايل مجدهم باني
هواجرٍ ضدهم كنّه على ملّه = ضياغمٍ في ذراهم يزبن الجاني
يرجع نسبهم لخير انساب خلق الله = وفعولهم يفخر بها كل قحطاني
ولاّ انت علّه وحادر من ظهر علّه = ان رحت (.....) وان جيت (.....)
لك غير الاربع مذاهب مذهب وملّه = وديانتك فارقه من بين الادياني
نعمٍ بكم في زمانٍ ظافيٍ ظلّه = والسبعة انعام في ماضيت الازماني
جدانك فعولهم قصيا ومنتلّه = لكنّ ماهي بمثل فعول جداني
وهذا هو اللي مخلّي كبدك مغلّه = من كبر فرق الاسامي منت بتداني
يالابس البشت لوتطويه وتفله = مالك يمينٍ معاي ومالك امتاني
هذي الحقيقه وقل لصويحبك قلّه = لايبتليني وغيره قد تبلاّني
الهرج ماينفعه دقّه ولا جلّه = والرجل من دون يمنا ماله لساني
لو ان الاقوال مربوطه ومنحلّه = والدرسعي في طرفها واللويحاني
وان طرّف الليل زدتو طينكم بلّه = وانثرت الحانكم من بين الالحاني
يبقا الكلام الصحيح اللي على حلّه = يازين الافعال من ذربين الايماني
الضايعه ضايعه ماهيب مندلّه = الا ليا ركِّب لها سرج وعناني
(ايّه وصح وصحيح وصدق وايبلّه) = قد قالها مطلقٍ واقولها ثاني[/POEM]




وسلامتكم