ياجعل بيتٍ مدهل الطيب راعيه 00 يبطي ليايوم القيامه معمّر..!!

مسّيكم بالخير ,,

قصيده متواضعه من جديدي أهديها لذائقتكم ,,
,
,

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لامن سرا اللّيل وبدت لي مساريه=شبّيت هاجوس الفرايد .. وجمّر!!
وإشتقت لطروق القصيد وقوافيه=شوق العراقي لتّتن يوم .. عمّر!!
يقوله اللّي يوم برّق بماضيه=من كثر هوله في محلّه .. تسمّر!!
صكّات بقعا لو تميته وتحييه=يبطي ومن صكّاتها .. ماتذمّر!!
ظن وتهقوى مير ضاعت هقاويه=زَرَعْ .. ولكن شَجِْرته .. ماتثمّر!!
الوجد راثع فيه .. والحزن طاويه=والوجه من مفعول الأيّام .. سمّر!!
الهم والغربال .. فالصّدر كانيه=يوم إنّ ولد اللاّش عمّر .. وزمّر!!
اللّي علوم أهل الرّدا تجتمع فيه=ثورٍ يهابد في حَكِيه .. ويطمّر!!
من شِين نفسه .. كنّ محدن يحاكيه=ومن شيخته .. كنّه على الخلق .. ومّر!!
وأهو العفن يالعنبا إمّه على بيه=لاحَجّ حِجّ الطيّب .. ولاتعمّر!!
جعله فدا الطيّب .. وفدوة مواطيه=اللّي بطيبه عن سواعِدْه .. شمّر!!
من خُفّ نفسه .. تستحي لاتراكيه=ومن سابِقه فالطّيب .. وَجههْ يحمّر!!
أتعب على الطيّب .. وأعزّه .. وأخاويه=وأقدّره قدري وحبّي لشمّر!!
وأفرّقه عن كلّ نذلٍ وأبدّيه=فرق آبومتعب عن نعوله .. معمّر!!
ياجعل بيتٍ .. قوّمه بُخلْ بانيه=يهدم على من شيّده .. وإيتدمّر!!
وياجعل بيتٍ .. مدهل الطيب راعيه=يبطى ليايوم القيامه .. معمّر!![/POEM]

,
,
وسلامتكم
فهيد بن محمّد بن عصيدان